“Ingliz tili” kafedrasida “General English Club” faoliyatiga start berildi

07.10.2026

#Ma`naviy va tashkiliy #Ta`lim #Yangilik

Joriy yilning 6-oktyabr sanasida “TIQXMMI” Milliy tadqiqot universiteti, “Iqtisodiyot” fakulteti, “Ingliz tili” kafedrasi tomonidan talabalarning ingliz tilini amaliy o‘rganishi, til ko‘nikmalarini rivojlantirishi hamda ingliz tilida erkin muloqot qilish imkoniyatlarini kengaytirish maqsadida General English Club/Umumiy Ingliz tili to‘garagi o‘z faoliyatini boshladi.

To‘garakning ilk mashg‘uloti “Ingliz tili” kafedrasi dotsenti Go‘zal Eshchanova tomonidan tashkil etildi.

Mashg‘ulot davomida Communicative Language Teaching, Pair Work, Dialogue Practice, Role Play, Question-and-Answer, Grammar in Context hamda Integrated Skills Approach kabi zamonaviy metod va yondashuvlardan foydalanildi. Talabalar juftlik va kichik guruhlarda ishlash, og‘zaki dialoglar tuzish, savol-javoblar orqali muloqotga kirishish, o‘zlarini ingliz tilida tanishtirish, yangi lug’at va grammatik birliklarni amaliy vaziyatlarda qo‘llash orqali speaking, reading, listening va boshqa til ko‘nikmalarini rivojlantirdilar.

Bunday yondashuv orqali talabalar yangi so‘z va grammatik birliklarni shunchaki o‘zlashtirish bilan cheklanmay, ularni real muloqot jarayonida qo‘llash imkoniyatiga ega bo‘ldilar. Shu bilan birga, speaking, reading, listening va boshqa til ko‘nikmalarini o‘zaro bog‘liq holda rivojlantirishga e’tibor qaratildi.

General English to‘garagi doirasida “Ingliz tili” kafedrasining bir qator professor-o‘qituvchilari tomonidan muntazam mashg‘ulotlar olib boriladi. To‘garak talabalarning ingliz tilidagi bilimlarini mustahkamlash, lug‘at boyligini kengaytirish, grammatik bilimlarini amaliyotda qo‘llash hamda xorijiy tilda erkin va ishonchli muloqot qilish ko‘nikmalarini rivojlantirishga xizmat qiladi.