"Qishloq xo’jaligi texnika va texnologiyalari" kafedrasi

Qishloq xo‘jaligi texnika va texnologiyalari kafedrasining professor-o‘qituvchilari, doktorantlari, xodimlari va talabalari qishloq xo‘jaligida mexanizatsiyalash darajasini oshirish, energiya va resurslarni tejash imkonini beradigan iqtisodiy va ekologik samarali texnika  va texnologiyalar ishlab chiqish bo‘yicha ishlarni amalga oshiradi. Bu yo‘lda bizning kafedramiz qishloq xo‘jaligini mexanizatsiyalash, qishloq xo‘jaligi muhandisligi va aniq qishloq xo‘jaligi tizimlari yo‘nalishida yetarli nazariy va amaliy bilimlarga ega bo‘lgan yetuk kadrlar tayyorlaydi, ilmiy tadqiqotlar va xo‘jalik shartnomalarni amalga oshiradi. Kafedramiz professor-o‘qituvchilari rivojlangan mamalakatlarning ilg‘or universitetlarida bilim va tajribalarini oshirishgan hamda shu sohadagi yetuk olimlar bilan hamkorlik aloqalarini o‘rnatgan. Shuningdek, yurtimizning tegishli sohaga oid tashkilotlari bilan hamkorlik o‘rnatilgan bo‘lib talabalarimizning yuqori darajada stajirovka o‘tashlari uchun sharoit yaratilgan.

Kafedramiz “Qishloq xo‘jaligini mexanizatsiyalashtirish”, “Qishloq xo‘jaligi muhandisligi” yo’nalishlari bo’yicha bakalavr darajasini, “Qishloq xo‘jaligini mexanizatsiyalashtirish”, “Aniq koordinatali qishloq xo‘jaligi” mutaxassisliklari bo’yicha magistratura va “Qishloq xo‘jaligi va melioratsiya mashinalari. Qishloq xo‘jaligi va melioratsiya ishlarini mexanizatsiyalash” ixtisosligi bo’yicha doktoranturaga o’qishga taklif qiladi.

Bugungi kunda qishloq xo‘jaligining dehqonchilik, bog‘dorchilik, chorvachilik, parrandachilik, baliqchilik kabi bir qancha ustuvor sohalarida yuqori samarali texnika va texnologiyalarni qo‘llash istiqbolli vazifalardan bo‘lib qolmoqda. Bizning kafedramiz mana shu sohalardagi muammolarni hal etishga smart texnologiyalar, 3-D loyihalash, Coupled computational fluid dynamics – discrete element method (CFD-DEM), statistik tahlillar, mashinali o‘qish, sun’iy intellekt va qishloq xo‘jaligi texnikalarining ish jarayonini nazoratlash va boshqarish uslublari yordamida ilmiy tadqiqotlar yuritadi va yechimlar taklif qiladi.

Kafedramiz professor-o‘qituvchilari, doktorantlari va talabalarining sohaga oid bilimlarini rivojlantirish va hamkorlik qilishlari uchun muntazam ravishda xalqaro konferensiyalar va seminarlar tashkil etamiz.

Hamkorlik o‘rnatish uchun biz bilan bog‘laning va birgalikda ishlashni muhokama qiling.

Ixtisosligi

05.07.01 -Qishloq xo‘jaligi va melioratsiya mashinalari. Qishloq xo‘jaligi va melioratsiya ishlarini mexanizatsiyalash

 Kafedra tarixi

Kafedra 1929 yili O‘rta Osiyo davlat universiteti bazasida ochilgan. Keyin O‘rta Osiyo paxtachilik-irrigatsiya politexnika instituti tarkibiga ko‘chirilgan va unga professor YA.Moiseevich rahbarlik qilgan. Toshkent qishloq xo‘jaligi va irrigatsiya injenerlari instituti tuzilgandan so‘ng, rafedraga uzoq yillar davomida akademik M.V.Sablikov rahbarlik qildi. M.V.Sablikov vertikal shpindelli paxta terish apparati nazariyasini asoschisi hisoblanadi.

1957 yil M.V.Sablikov Moskvadagi qishloq xo‘jaligi akademiyasiga ishga chaqirilgan. Uning o‘rniga O‘zbekistonda xizmat ko‘rsatgan fan arbobi V.I.Lazunovni kafedra mudiri qilib tayinlashgan. V.I.Lazunov vertikal shpindelli paxta terish apparati kinematik parametrlarini asoslashga katta hissa qo‘shgan olimdir. V.I.Lazunov vafotidan so‘ng, 1972-1983 yillari kafedraga professor S.P.Po‘latov raxbarlik lavozimiga tayinlangan. S.P.Po‘latov qishloq xo‘jaligi ekinlariga kimyoviy modda eritmalarini purkaydigan OVX-14 mashinasini yaratgan mualliflar qatorida Beruniy nomidagi Davlat mukofotiga sazovor bo‘lgan. Professor S.P.Po‘latov Respublika Oliy ta’lim vaziri bo‘lib ishlagan vaqtda ham kafedra rahbari bo‘lgan. S.P.Po‘latov Toshkent irrigatsiya va qishloq xo‘jaligini mexanizatsiyalash injenerlari instituti va Toshkent avtomobil yo‘llari institutlarida uzoq vaqt rektor bo‘lib ishlagan.

1983-1988 yil kafedra mudiri bo‘lib O‘zbekistonda xizmat ko‘rsatgan mexanizator, professor M.S.G‘aniev tayinlanadi. Professor M.S.G‘aniev g‘o‘zapoya yig‘ishtirishni mexanizatsiyalash vositalarini yaratishga rahbarlik qilgan.

1987 yil kafedra mudiri etib dotsent T.Abdillayev tayinlangan. 1989 yili kafedra mudiri etib akademik R.D.Matchonov tayinlangan. Professor R.D.Matchonov paxta terish mashinalarini takomillashtirishga katta hissa qo‘shgan olim. 2000-2004 yillarda dotsent B.Y.Yusupov kafedraga rahbarlik qilgan. 2005-2017 yillarda t.f.n., dotsent D.Alijanov, t.f.d., professor B.Shaymardanov, t.f.n., dotsent A.Rajabov va t.f.d., professor B.Xudayarovlar kafedra mudiri bo‘lib ishlashgan.

 2018 yildan kafedraga t.f.d., professor K.Astanaqulov rahbarlik qilib kelmoqda.

Kafedra o‘qituvchilaridan N.P.Polekutin, K.I. Isayev, D.M. Musayev pluglarni takomillashtirish bo‘yicha, M.B.Bogatiryov, G.A. Timofeyev, B.U. Utepov seyalkalar bo‘yicha, B.M. Koltunov, Sh. Dadajonov, A.N. Shirmanov paxta terish mashinalari bo‘yicha, A.Sirojiddinov chorvachilik mashinalari bo‘yicha ilmiy ishlar olib borishgan. Bugungi kunda M.Shoumarova, T. Abdillayev, A. Duskulovlar paxta terish mashinalari bo‘yicha, B.Xudayarov kombinatsiyalashgan agregatlar bo‘yicha, D.Alijanov, Ya.Jumatov ozuqa maydalagichlar bo‘yicha, A.Borotov granulalangan ozuqa tayyorlashda qo‘llaniladigan qurilmalar bo‘yicha, K.Astanaqulov, N.Ashurov o‘rim-yig‘im va don tozalash mashinalari, aniq koordinatali qishloq xo‘jaligi texnikalari, agrodronlar va agrorobotlar bo‘yicha ilmiy izlanishlar olib borishmoqda.

Kafedra o‘qituvchilaridan professor M. Shoumarova, dotsent T. Abdillayev “Qishloq xo‘jaligi mashinalari” fani bo‘yicha, professor B.Xudayarov “Qishloq xo‘jaligi muhandisligi asoslari” fani bo‘yicha, dotsent Ya.Jumatov “Qishloq xo‘jaligi mahsulotlarini qayta ishlashni mexanizatsiyalash” fani bo‘yicha, professor B.Shaymardanov “Innovasion texnika va texnologiyalar” fani bo‘yicha, dotsent A.Duskulov “Bog‘dorchilik va sabzavotchilik mashinalari” fani bo‘yicha,   dotsentlar N.Sattorov va A.Borotovlar “Chorvachilik asoslari” fani bo‘yicha, professor K.Astanaqulov “Aniq qishloq xo‘jaligi tizimlari” fani va boshqa fanlar bo‘yicha darslik va o‘quv adabiyotlarini yaratishgan. Professor M. Shoumarova va dotsent T. Abdillayevlar tomonidan yozilgan “Qishloq xo‘jaligi mashinalari” fani bo‘yicha darsligi “Eng yaxshi darslik” Respublika tanlovlarida birinchi va ikkinchi o‘rinlarni egallagan.

Laboratoriyalarimiz

1.Qishloq xo’jaligi mashinalari laboratoriyasi.

Qishloq xo‘jaligi mashinalari laboratoriyasida qishloq xo‘jaligida mexanizatsiyalash darajasini oshirish, energiya va resurslarni tejash imkonini beradigan iqtisodiy va ekologik samarali texnika  va texnologiyalar ishlab chiqish bo‘yicha ilmiy-tadqiqot ishlari olib boriladi. Laboratoriyada “Qishloq xo‘jaligini mexanizatsiyalashtirish” ta’lim yo’nalishi bo’yicha bakalavrlar, “Qishloq xo‘jaligini mexanizatsiyalashtirish”, “Aniq koordinatali qishloq xo‘jaligi” mutaxassisliklari bo’yicha magistrlar va “Qishloq xo‘jaligi va melioratsiya mashinalari. Qishloq xo‘jaligi va melioratsiya ishlarini mexanizatsiyalash” ixtisosligi bo’yicha doktorantlar o‘z ilmiy ishlarini bajarishadi.

Shuningdek laboratoriyada “Qishloq xo‘jaligi mashinalari”, “Qishloq xo‘jaligi muhandisligi asoslari”, “Innovatsion texnika va texnologiyalar”, “Bog‘dorchilik va sabzavotchilik mashinalari”, “Aniq qishloq xo‘jaligi tizimlari” va “Qishloq xo‘jaligi mashinalari nazariyasi va hisobi” fanlaridan laboratoriya mashg‘ulotlari bajariladi.

Buning uchun laboratoriyada tuproq kanali va unga o‘rnatilgan harakatlanuvchi platforma hamda unga agregatlanadigan tuproqqa ishlov berish mashinalari, ekish mashinalari va ularning laboratoriya stendlari, kultivator, o‘g‘it sepkich, dori purkagich, g‘alla kombayni va uning yanchish apparati stendi, paxta terish mashinasi hamda uning vertikal va gorizontal shpindelli terim apparatlarining stendlari, shuningdek don tozalash mashinasi va uning laboratoriya stendlari mavjud.

Qishloq xo‘jaligi texnikalari paviloni va undagi texnika vositalari 

Qishloq xo‘jaligi mashinalari laboratoriyasi  

“Smart agriculture” tizimida paxta yetishtirish va hosilni terib olish bo’yicha tadqiqotlar

2. Chorvachilikni mexanizatsiyalash laboratoriyasi

Chorvachilikni mexanizatsiyalash laboratoriyasida chorvachilik tarmog‘ida mexanizatsiyalash darajasini oshirish, energiya va resurslarni tejash imkonini beradigan iqtisodiy va ekologik samarali texnika  va texnologiyalar ishlab chiqish bo‘yicha ilmiy-tadqiqot ishlari olib boriladi. Laboratoriyada “Qishloq xo‘jaligini mexanizatsiyalashtirish” ta’lim yo’nalishi bo’yicha bakalavrlar, “Qishloq xo‘jaligini mexanizatsiyalashtirish”, mutaxassisliklari bo’yicha magistrlar va “Qishloq xo‘jaligi va melioratsiya mashinalari. Qishloq xo‘jaligi va melioratsiya ishlarini mexanizatsiyalash” ixtisosligi bo’yicha doktorantlar o‘z ilmiy ishlarini bajarishadi.

Shuningdek laboratoriyada “Chorvachilikni mexanizatsiyalash”, “Chorvachilik texnika va texnologiyalari”, “Parrandachilikni mexanizatsiyalash”, “Ozuqalarni tayyorlash va saqlashni mexanizatsiyalash”, “Chorvachilik asoslari” va “Qishloq xo‘jaligi mahsulotlariga dastlabki ishlov berishni mexanizatsiyalash” fanlaridan laboratoriya mashg‘ulotlari bajariladi.

Buning uchun laboratoriyada ozuqalarni maydalash qurilmalari va ularning stendlari, granulalangan ozuqa tayyorlash liniyasi, sut sog‘ish va sutga dastlabki ishlov berish qurilmalari va ularning laboratoriya stendlari mavjud.

Chorvachilikni mexanizatsiyalash laboratoriyasi

Amalga oshirilayotgan loyihalar va xo’jalik shartnomalar:

Kafedrada qishloq xo‘jaligi uchun yuqori samarali texnika va texnologiyalar ishlab chiqish maqsadida bugungi kunda quyidagi yo‘nalishlarda ilmiy tadqiqot ishlari olib borilmoqda:

1. Qishloq xo‘jaligi uchun innovasion texnologiyalar va texnika vositalarini ishlab chiqish

Mazkur yo‘nalishdagi tadqiqotlar 2024 yilda boshlangan bo‘lib, unda biogumus ishlab chiqarishda chuvalchanglarga ozuqa tarqatish qurilmasi, cho‘l o‘simliklari urug‘larini ekish usuli va texnika vositalari, piyoz va boshqa shu kabi sabzavot ekinlariga o‘g‘itlarni o‘zgaruvchan me’yorda sepish qurilmasi, dukkakli ekinlar donini tozalaydigan rotasion separator, g‘o‘zapoyani maydalash qurilmasi, undirilgan ertaki kartoshka tuganaklarini plenka ostiga ekishning innovasion agrotexnologiyasi va texnik vositasi ishlab chiqiladi.

Biogumus ishlab chiqarishda chuvalchanglarga ozuqa tarqatish qurilmasi, cho‘l o‘simliklari urug‘larini ekish usuli va texnika vositalari, piyoz va boshqa shu kabi sabzavot ekinlariga o‘g‘itlarni o‘zgaruvchan me’yorda sepish qurilmasi, dukkakli ekinlar donini tozalaydigan rotasion separator, g‘o‘zapoyani maydalash qurilmasi, undirilgan ertaki kartoshka tuganaklarini plenka ostiga ekishning innovasion agrotexnologiyasi va texnik vositasi ishlab chiqiladi va tadqiq etiladi. Ekinlarni yetishtirish uchun ekologik toza o‘g‘it olish, cho‘l hududlarida o‘simlik qoplamini yaxshilash, o‘g‘itlarni 20% gacha kamaytirish, ish unumi va sifatini 1,2-1,5 martaga oshirish imkoniyati yaratiladi.

2. Chorvachilik va baliqchilik uchun ishlab chiqilgan kichik qurilmalarni tijoratlashtirish

Ushbu ilmiy tadqiqot ishlarida chorvachilik va baliqchilik xo‘jaliklari uchun ishlab chiqilgan kichik o‘lchamli don va ozuqa maydalagich hamda granulalash  qurilmalarini sanoat nusxalarini tayyorlash va  tijoratlashtirish ishlari amalga oshiriladi.

Chorvachilik va baliqchilik xo‘jaliklari uchun ishlab chiqilgan kichik o‘lchamli don va ozuqa maydalagich hamda granulalash  qurilmalarini sanoat nusxalarini tayyorlash va  tijoratlashtirish uchun texnik-iqtisodiy asosnoma, loyiha-takliflar, konstruktorlik chizmalari, texnik topshiriq va boshqa  loyiha-me’yoriy xujjatlari ishlab chiqiladi, hamkor va buyurtmachi tashkilotlar aniqlanib, sinov nusxalari tayyorlanadi va sinovdan o‘tkaziladi. Kichik chorvachilik va baliqchilik xo‘jaliklarini moddiy-texnika bazasi mustahkamlanadi.

Xalqaro maqolalar

1. Y. Rakhimov, B. Khudayarov, U. Kuziev, R. Khudayqulov, B. Sarimsakov, and O. Mirzayev, “Cotton stalk griding scopus-based biblometric analysis,” E3S Web Conf., vol. 563, p. 03059, 2024,  DOI: 10.1051/e3sconf/202456303059.,

2. Y. Rakhimov, B. Tulaganov, A. Bozorboev, R. Khudayqulov, B. Maxmurov, and F. Kurbonov, “Results of experimental studies to justify the parameters of the working engines of the machine separator,” BIO Web Conf., vol. 105, p. 01012, 2024,                          DOI: 10.1051/bioconf/202410501012.

3.Y. S. Rakhimov, A. T. Musurmonov, Sh. K. Olimov, and “Experimental study of the dynamics of the hydrotracking system of the rotary share of a garden cultivator,” E3S Web Conf., vol. 486, p. 07002, 2024, DOI: 10.1051/e3sconf/202448607002. 

4.  A. N. Borotov, “Parameters and operation process of supplier rollers of the feed chopper device,” IOP Conf. Ser. Earth Environ. Sci., vol. 868, no. 1, p. 012035, Oct. 2021,   doi: 10.1088/1755-1315/868/1/012035.

5. A. N. Borotov, “Research the parameters of cutter bar of the rotor of a green stalk forage chopper,” IOP Conf. Ser. Earth Environ. Sci., vol. 1076, no. 1, p. 012027, Aug. 2022,doi: 10.1088/1755-1315/1076/1/012027.

6. D. Alijanov and Y. K. Jumatov, “Evaluation of the influence of inhomogeneous inclusions on the stems bend of agricultural plants,” E3S Web Conf., vol. 486, p. 04001, 2024,  doi: 10.1051/e3sconf/202448604001.

7.D. Alijanov, S. Turaev, A. Atakhanov, and V. Sakhrov, “Operating features of a small capacity grain grinder with a hex rotor for agricultural farms,” BIO Web Conf., vol. 105, p. 01018, 2024, doi: 10.1051/bioconf/202410501018.

8.  D. Alijanov, S. Abdurokhmonov, K. Usmonov, A. Kamalov, and K. Baimakhanov, “Theoretical study of the process of grain materials grinding in agriculture machinery,” BIO Web Conf., vol. 105, p. 01011, 2024, doi: 10.1051/bioconf/202410501011.

9.D. Mardieva, G. Bakiyeva, Z. Kannazarova, and Z. Saidova, “A Bibliometric Review: Interventions for Enhancing Speaking Skills in non-English-Speaking Contexts,” XLinguae, vol. 17, no. 4, pp. 195–224, Oct. 2024, doi: 10.18355/XL.2024.17.04.12.

10. Z. Kannazarova, M. Juliev, J. Abuduwaili, A. Muratov, and F. Bekchanov, “Drainage in irrigated agriculture: Bibliometric analysis for the period of 2017–2021,” Agric. Water Manag., vol. 305, p. 109118, Dec. 2024, doi: 10.1016/j.agwat.2024.109118.

11. Z. Kannazarova, M. Juliev, A. Muratov, and J. Abuduwaili, “Groundwater in the commonwealth of independent states: A bibliometric analysis of scopus-based papers from 1972 to 2023, emphasizing the significance of drainage,” Groundw. Sustain. Dev., vol. 25, p. 101083, May 2024, 

doi: 10.1016/j.gsd.2024.101083.

12. A. N. Borotov, “Research the parameters of cutter bar of the rotor of a green stalk forage chopper,” IOP Conf. Ser. Earth Environ. Sci., vol. 1076, no. 1, p. 012027, Aug. 2022,  doi: 10.1088/1755-1315/1076/1/012027.

13.M. Xaliqulov et al., “Root harvester machine: a review of papers from the Scopus database published in English for the period of 1982-2022,” E3S Web Conf., vol. 402, p. 10010, 2023, doi: 10.1051/e3sconf/202340210010.

14. K. D. Astanakulov, N. A. Ashurov, and A. R. Turdibekov, “Straw harvesting equipment for combine harvesters in dry land harvesting,” IOP Conf. Ser. Earth Environ. Sci., vol. 1231, no. 1, p. 012023, Aug. 2023, doi: 10.1088/1755-1315/1231/1/012023.

15.  M. Shoumarova, T. Abdillayev, and Sh. A. Yusupov, “Bench tests of friction drive of vertical spindle made of poly-V belts,” E3S Web Conf., vol. 365, p. 04022, 2023,  doi: 10.1051/e3sconf/202336504022.

16. M. Shoumarova, T. Abdillayev, and S. A. Yusupov, “Electrification of the mechanical drive of vertical spindle cotton picker drums,” IOP Conf. Ser. Earth Environ. Sci., vol. 1231, no. 1, p. 012003, Aug. 2023, doi: 10.1088/1755-1315/1231/1/012003.

17.  M. Shoumarova, T. Abdillayev, S. Yusupov, and A. Begjanov, “Evaluation of the coupling forces of the spindle roller with the drive belts to improve the cotton harvester,” BIO Web Conf., vol. 105, p. 01013, 2024, doi: 10.1051/bioconf/202410501013.

18. K. Navruzov, A. Sh. Begjanov, N. I. Abdikarimov, and Sh. Yusupov, “Examining laminar, non-stationary viscoelastic fluid flow between two parallel planes,” BIO Web Conf., vol. 105, p. 05005, 2024, doi: 10.1051/bioconf/202410505005.

19. M. Shoumarova, T. Abdillayev, and S. A. Yusupov, “Stabilizer for reversing vertical spindles in the drum removal area of cotton-picking apparatus,” IOP Conf. Ser. Earth Environ. Sci., vol. 1231, no. 1, p. 012006, Aug. 2023,  doi: 10.1088/1755-1315/1231/1/012006.

20. M. Shoumarova, T. Abdillayev, A. A. Duskulov, and Sh. A. Yusupov, “The need for instrumental measurement of the traction force of the friction drive of the vertical spindles of the cotton harvesting machine,” E3S Web Conf., vol. 443, p. 04014, 2023,doi: 10.1051/e3sconf/202344304014.

Xalqaro hamkorlarimiz

1. Ayova stati universiteti (AQSH)

2. Texas agrar-texnika universiteti (AQSH)

3. Oklahoma stati universiteti (AQSH)

4. Shimoliy Dakota stati universiteti (AQSH)

5. Manitoba universiteti (Kanada)

6. Alberta universiteti (Kanada)

7. Harper Adams universiteti (Angliya)

8. Reding universiteti (Angliya)

9. Hohenhaym universiteti (Germaniya)

10. Geizenheym universiteti (Germaniya)

11. Deula-Nuyenberg malaka oshirish markazi (Germaniya)

12. Boloniya universiteti (Italiya)

13. Florensiya universiteti (Italiya)

14. Angel Kinchev nomidagi Rusen universiteti (Bolgariya)

15. Anqara universiteti (Turkiya)

16. Ondokuz Mayis universiteti (Turkiya)

17. Malayziya texnologik universiteti (Malayziya)

18. Xitoy qishloq xo‘jaligi universiteti (Xitoy)

19. Shimoliy Garbiy qishloq xo‘jaligi va o‘rmonchilik universiteti (Xitoy)

20. Shixezi universiteti (Xitoy)

21. Rossiya davlat agrar universiteti – Timiryazev nomidagi Moskva qishloq xo‘jaligi akademiyasi (Rossiya)

22. N.V. Rudnitskiy nomidagi SHimoliy-sharqiy agrar ilmiy markazi (Rossiya)

23. Krasnoyarsk o‘lkasi Fan va texnika uyi (Rossiya)

24. M.Auezov nomidagi Janubiy Qozog‘iston universiteti (Qozog‘iston)

25. Seyfulin nomidagi Qozog‘iston agrar texnika universiteti (Qozog‘iston)

26. Qozog‘iston milliy tadqiqot agrar universiteti (Qozog‘iston)

27. Qo‘rqut ota nomidagi Qizil O‘rda universiteti (Qozog‘iston)

Mahalliy hamkorlarimiz

1. Qishloq xo‘jaligini mexanizatsiyalash ilmiy-tadqiqot instituti

2. Qishloq xo‘jaligi texnika va texnologiyalarini sinash va sertifikatlash markazi

3. “BMKB-Agromash” AJ

4. “Lemken-Chirchiq” qo‘shma korxonasi

5. “UzCLAASAgro” qo‘shma korxonasi

6. “Agrixim” qo‘shma korxonasi

7. “UHM-Landtech” qo‘shma korxonasi

8. “INDORAMA” agroklasteri

 

Kafedra xodimlari

"Qishloq xo’jaligi texnika va texnologiyalari" кafedra muduri, texnika fanlari doktori, professor
Astanaqulov Komil Dullievich

Ilmiy tadqiqot yo‘nalishi: aniq qishloq xo‘jaligi tizimlari, donli ekinlarni o‘rib yig‘ishtirish, don tozalash, ozuqa tayyorlash texnologiyasi va texnika vositalari.

  k.astanakulov@tiiame.uz

+99897-130-45-74

"Qishloq xo’jaligi texnika va texnologiyalari" кafedrasi Texnika fanlari doktori, Professor
Xudayarov Berdirasul Mirzayevich

Ilmiy tadqiqot yo‘nalishi: G‘ozapoyali dalalarda pushta olish, energiya-resurstejamkor texnika va texnologiyalarni yaratish va tadqiq qilish.

Dars beradigan fanlar: Muhandislik tadqiqotlari o‘lchov vositalari, Qishloq xo’jaligi muhandislik asoslari, Qishloq xo’jaligida yangi texnik yechimlar.

b_khudayarov@tiiame.uz

+99893-584-11-06

"Qishloq xo’jaligi texnika va texnologiyalari" кafedrasi Texnika fanlari nomzodi, professor
Shoumarova Muxaya

Ilmiy tadqiqot yo‘nalishi: O‘zbekiston qishloq xo‘jaligini to‘liq mexanizatsiyalash muammolari

Dars beradigan fanlar: Qishloq xo‘jaligi mashinalari nazariyasi va hisobi, Mutaxassislik fanlarini o‘qitish metodikasi.

m.shaumarova@tiiame.uz

+99890-315-30-71

"Qishloq xo’jaligi texnika va texnologiyalari" кafedrasi Texnika fanlari doktori, Professor
Shaymardanov Baxtiyor Pardayevich

Ilmiy tadqiqot yo’nalis’hi: Issiqlik-massa almas’hinuvi jarayonlari, g‘o’zani pus’htada yetis’htiris’hda tomchilatib sug‘oris’h quvirini pus’htaga joylas’htirib, tomir tizimi mikroiqlimini bos’hqaris’h orqali paxta dalasi agrofonini mas’hina terimiga tayyorlas’h texnologiyasi.

Dars beradigan fanlar: Qis’hloq xo’jaligi texnikalarini sinas’h va sertifikatlas’h, Innovatsion texnika va texnologiyalar.

b.shaymardanov@tiiame.uz

+99893-556-46-03

"Qishloq xo’jaligi texnika va texnologiyalari" кafedrasi Texnika fanlari nomzodi, dotsent
Abdillayev Tulagen

Ilmiy tadqiqot yo’nalis’hi: O’zbekiston qis’hloq xo’jaligini to’liq mexanizatsiyalas’h muammolari

Dars beradigan fanlar: Qis’hloq xo’jaligi mas’hinalari nazariyasi va hisobi, Qis’hloq xo’jaligi texnikalari.

t.abdillaev@tiiame.uz

+99890-909-24-03

"Qishloq xo’jaligi texnika va texnologiyalari" кafedrasi Texnika fanlari nomzodi, dotsent
Duskulov Abdusattor Axadovich

Ilmiy tadqiqot yo’nalis’hi: Kartos’hka yekis’h va yig‘is’htiris’h texnlogiyasi va texnika vositalari

Dars beradigan fanlar: Ilmiy tadqiqot usullari va yeksperimentni rejalas’htiris’h, Yeksperiment natijalariga statistik is’hlov beris’h, Qis’hloq xo’jalik mas’hinalari.

a.duskulov@tiime.uz

+99894-638-59-61

Texnika fanlari nomzodi, dotsent
Alijanov Djapbar Akilbekovich

Ilmiy tadqiqot yo’nalis’hi: Chorvachilik xo’jaliklari uchun ozuqalarga kompleks is’hlov beris’h mas’hinalari. Dars beradigan fanlar: Chorvachilikni mexanizatsiyalas’h, Chorvachilik texnika va texnologiyalari, Parrandachilikni mexanizatsiyalas’h, Ozuqalarni tayyorlas’h va saqlas’hni mexanizatsiyalas’h

None

d.alijanov@tiiame.uz 

+99897-711-20-68

"Qishloq xo’jaligi texnika va texnologiyalari" кafedrasi Texnika fanlari nomzodi, PhD katta o’qituvchi
Ashurov Nurali Abdujalilovich

Ilmiy tadqiqot yo’nalis’hi: Donli va dukkakli yekinlarni yig‘s’htiris’hda resurs tejamkor texnikalarni is’hlab chiqis’h va qo’llas’h.

Dars beradigan fanlar: Chorvachilikni mexanizatsiyals’h, Qis’hloq xo'jaligi mas’hinalari, Chorvachilik asoslari.

n.ashurov@tiiame.uz

(998 97) 771-84-22

"Qishloq xo’jaligi texnika va texnologiyalari" кafedrasi Texnika fanlari nomzodi, PhD dotsent
Borotov Atxam Nurmuxammadovich

Ilmiy tadqiqot yo’nalis’hi: Chorvachilik, baliqchilik, qo’yonchilik va parradachilik xo’jaliklariga granulalangan ozuqa tayyorlas’h va ozuqa bazasini mustahkamlas’h.

Dars beradigan fanlar: Qis’hloq xo’jaligi mas’hinalari, Qis’hloq xo’jaligi robotatexnikasi, Chorvachilik asoslar.

a.borotov@tiiame.uz

(998 97) 726-64-65

"Qishloq xo’jaligi texnika va texnologiyalari" кafedrasi Texnika fanlari nomzodi, PhD dotsent
Jumatov Yakubbay Karimbayevich

Ilmiy tadqiqot yo’nalis’hi: Chorva mollari ozuqalariga maydalab is’hlov beris’h texnologiyalari va qurilmalari.

Dars beradigan fanlar: Qis’hloq xo’jaligi mas’hinalari, Qis’hloq xo’jaligi mahsulotlarini qayta is’hlas’hni mexanizatsiyalas’h.

y.jumatov@tiiame.uz

+99897-434-59-52

"Qishloq xo’jaligi texnika va texnologiyalari" кafedrasi Assistenti
Ernazarov Karim Baxtiyor o‘g‘li

Ilmiy tadqiqot yo’nalis’hi: Chorvachilikda resus va yenergiyatejamkor texnika va texnologiyalar

Dars beradigan fanlar: Chorvachilik texnika va texnologiyalari, Parrandachilikni mexanizatsiyalas’h, Ozuqalarni tayyorlas’h va saqlas’hni mexanizatsiyalas’h

+99897-400-96-72

"Qishloq xo’jaligi texnika va texnologiyalari" кafedrasi Assistenti
Kannazarova Zulfiya Tolibayevna

Ilmiy tadqiqot yo’nalis’hi: Sug'oriladigan yerlarda yopiq gorizontal deranaj tozalas’h texnologiyasini takomillas’htiris’h

Dars beradigan fanlar: Aniq qis’hloq xo'jaligi, Qis’hloq xo'jaligi texnikalari.

kannazarovazulfiya@tiiame.uz

+99890 978 67 17

"Qishloq xo’jaligi texnika va texnologiyalari" кafedrasi Assistenti
Yusupov S’herzod Alis’herovich

Ilmiy tadqiqot yo’nalis’hi: Paxta yetis’htiris’hda smart qis’hloq xo’jaligi texnologiyalari va texnika vositalarini rivojlantiris’h

Dars beradigan fanlar: Qis’hloq xo’jaligi texnikalari is’h jarayonini nazoratlasg va bos’hqarisg qurilmalari, Qis’hloq xo’jalik mas’hinalari.

sh_yusupov@tiiame.uz

998 90 915 24 62

"Qishloq xo’jaligi texnika va texnologiyalari" кafedrasi Texnika fanlari nomzodi, PhD katta o’qituvchi
Fozilov G'olibjon G'ulomjonovich

Ilmiy tadqiqot yo’nalis’hi: Donli yekinlarni yig'is’htiris’h va dastlabki is’hlov beris’h.

Dars beradigan fanlar: Research methods and yexperimental statistics (Tadqiqot usullari va yeksperimental statistika), Reverse yengineering (Qayta muhandislik).

g_fozilov@tiiame.uz

+998 99 402 - 99 - 88

Komilov Sanjar Baxtiyor o‘g‘li

Ilmiy tadqiqot yo’nalishi: "Motoblokka o'rnatiladigan mineral o'g'it solish qurilmasini ishlab chiqish va parametrlarini asoslash"

s_komilov@tiiame.uz

+998999219313

"Qishloq xo’jaligi texnika va texnologiyalari" кafedrasi Doktarant
Turdibekov Akram Raxmatulla o’g‘li

Ilmiy tadqiqot yo’nalishi: “Intellektual agrotexnologiyalar asosida mineral o‘g‘itlarni optimallashtirilgan taqsimlash tizimi”

a.turdibekov@tiiame.uz

+998935934901

"Qishloq xo’jaligi texnika va texnologiyalari" кafedrasi Doktarant
Mannobova Sayyora Botir qizi

Ilmiy tadqiqot yo’nalishi: Dukkakli ekinlar donini tozalaydigan silindrik g‘alvirli mashina aspiratsion separatori parametrlari va ish rejimlarini asoslash

s.mannobova@tiiame.uz

+998950136494

"Qishloq xo’jaligi texnika va texnologiyalari" кafedrasi Doktarant
Raximov Yunus Sunnat o’g‘li

Ilmiy tadqiqot yo‘nalishi: O'simlik qoldiqlaridan organik o'g'it sifatida foydalanib tuproq unumdorligini oshirish

yu.raximov@tiiame.uz

+998937256505

"Qishloq xo’jaligi texnika va texnologiyalari" кafedrasi Doktarant
Yigitaliyeva Ruhs’hona Rustamjon qizi

Ilmiy tadqiqot yo’nalishi: Chuvalchang ozuqasini maydalab-tarqatish qurilmalari

r_yigitaliyeva@tiiame.uz

+998 99 895 66 65

"Qishloq xo’jaligi texnika va texnologiyalari" кafedrasi Doktarant
Rajapbayev Umidjon Alis’her oʻgʻli

Ilmiy tadqiqot yo’nalishi: Paxta hosilini yig'ishtirish mashinalarining terim to'liqligi va terilgan paxta sifatini yaxshilash

u_rajapbaev@tiiame.uz

+998943119271

"Qishloq xo’jaligi texnika va texnologiyalari" кafedrasi Doktarant
Raximov Hursand Madrahim o’g‘li

Ilmiy tadqiqot yo’nalishi: Yerni ekishga tayyorlashning resurstejamkor texnologiyalari

h_rakhimov@tiiame.uz

+99 899 963 46 40

"Qishloq xo’jaligi texnika va texnologiyalari" кafedrasi Doktarant
Xodiboyev Yusufbek

Ilmiy tadqiqot yo’nalishi: Qishloq xo'jaligida dukkakli ekin donlarini fraksiyalarga ajratish

y_xodiboyev@tiiame.uz

Tel: +998 93 598 71 66

"Qishloq xo’jaligi texnika va texnologiyalari" кafedrasi Doktarant
Sharipov Shokir Xolboy o‘g‘li

Ilmiy tadqiqot yo’nalishi: “Bog’larga ishlov berishda qo’llaniladigan boshqariladigan purkash uchliklariga ega smart purkagich parametrlarini asoslash”

sh_sharipov@tiiame.uz

+998903543754

"Qishloq xo’jaligi texnika va texnologiyalari" кafedrasi Doktarant
Kimsanov Shoxjaxon Latif o‘g‘li

Ilmiy tadqiqot yo’nalishi: Chigit seyalkasiga moslashtirilgan vertikal valli frezaning parametrlarini asoslash

sh_kimsanov@tiiame.uz

+998992316600

"Qishloq xo’jaligi texnika va texnologiyalari" кafedrasi Doktarant
Ravshanov Farrux Egamberdi o‘g‘li

Ilmiy tadqiqot yo’nalishi: “Machine vision” texnologiyasi asosida makkajo‘xori so‘talarining urug‘likka yaroqli qismini saralash va qobig‘idan ajratish

f.ravshanov@tiiame.uz

+998 99 421 80 51

"Qishloq xo’jaligi texnika va texnologiyalari" кafedrasi Doktarant
Qodirov Sayfullo Xabibullo o‘g‘li

Ilmiy tadqiqot yo’nalishi: Qishloq xo'jaligi ekinlariga masofadan ishlov berish qurilmalari

kodirov_sayfullo@tiiame.uz

+99899 834 19 17

Fakultet

"Qishloq xo‘jaligini mexanizatsiyalash" fakulteti
1920 yilda Turkiston Davlat universitetining sakkizta fakulteti qatorida texnika fakulteti ham faoliyat boshlagan. Universitetning mashinashunoslik bo‘limi...
Batafsil

O'qitiladigan fanlar

№ Fanning nomi Fan haqida qisqacha ma'lumot
1 Qishloq xo‘jaligi mashinalarini loyihalash(Magistratura)

Qishloq xo‘jaligi mashinalari konstruksiyasi hamda loyihalash prinsiplari va qoidalari mashinalarni yaratish bosqichlari, loyihalash tartibi, metodlari, iqtisodiy asoslash, loyihalashni avtomatlashtirishni,  loyihalashning dizayn, ergonomika va ekologik jihatlarini, loyihalash va ishlab chiqarish jarayonlarining o‘zaro mutanosibligini o‘rgatadi
2 CHorvachilik mashinalari nazariyasi va hisobi(Magistratura)

Ozuqalarning fizik-mexanik va texnologik xossalarini, chorvachilik mashinalarining turlari, ularning asosiy qismlarini tuzilishi va ishlash printsiplarini, chorvachilikda qo‘llaniladigan jixoz va qurilmalar amalga oshiradigan texnologik ish jarayoni va texnologik parametrlarini aniqlashning nazariy asoslarini, mashinalarning va ishchi qismlarining ish rejimlarini nazariy asoslash, ishlab chiqiladigan mashinalarga qo‘yiladigan zootexnika talablarini o‘rgatadi
3 Qishloq xo‘jalik mashinalarida yangi texnik echimlar(Magistratura)

“Qishloq xo‘jalik mashinalarida yangi texnik echimlar” fani bo‘lajak mutaxassislarga tuproqqa ishlov beradigan, urug‘ ekadigan va ko‘chat o‘tqazadigan, o‘g‘it sepadigan, ekinlar zararkunandalari, kasalliklari va begona o‘tlariga qarshi kurashadigan, hosil yig‘adigan, urug‘larni tozalab saralay-digan qishloq xo‘jaligi mashinalarining texnologik ish jarayoni va konstruksiyasini takomillashtirish, ishchi qismlari parametrlarini aniqlash, qishloq xo‘jalik mashinalari bo‘yicha yangi texnik echimlar ishlab chiqish, ishlab chiqilgan yangi texnik echimlarni asoslash va ularni amalda qo‘llay bilishni o‘rgatadi.
4 Yaylov mashinalari

“Yaylov mashinalari” fani respublikamizdagi 20 mln. gektarga yaqin yaylov erlardan foydalanish samaradorligini oshirish maqsadida yaylov erlarning o‘ziga xosligidan kelib chiqib, ularning tuprog‘iga ishlov berish usullari va unda qo‘llaniladigan mashinalar, yaylovlarning o‘simlik qoplamini boyitish maqsadida cho‘l o‘simliklari urug‘larini ekish, yaylovlarda o‘simliklarni oziqlantirish, parvarishlash va sug‘orish hamda hosilini yig‘ishtirishda qo‘llaniladigan mashinalarni o‘rgatadi. 
5 Qishloq xo‘jaligi texnika va texnologiyalari asoslari

“Qishloq xo‘jaligi texnika va texnologiyalari asoslari” fani bakalavrlarga tuproqqa ishlov beradigan, o‘g‘itlaydigan, urug‘larini ekadigan, ekinlarni parvarish qilish, kasallik va zararkunandalar hamda begona o‘tlarga qarshi kurashishida qo‘llaniladigan, pichan, em-hashak tayyorlash, ekinlar hosilini yig‘ishtirish, don tozalash va saralash, poliz va sabzavot ekinlari, meva etishtirishda qo‘llaniladigan  texnikalar va texnologiyalar-ning vazifasi, texnologik ish jarayonlari, mashina va uning ishchi qismlari parametrlarini aniqlashning nazariy asoslarini va ularni amaliyotda qo‘llashni o‘rgatadi.
6 Bog‘dorchilik va savzovotchilik mashinalari

“Bog‘dorchilik va sabzavotchilik mashinalari” fani bakalavrlarga bog‘dorchilik va sabzavotchilik ishlarini mexanizatsiyalash, bog‘dorchilik va sabzavotchilik mashinalari, ularning tuzilishi, ishlash jarayoni, bog‘dorchilik va sabzavotchilik ishlari texnologik jarayonlarini asoslash usullari, prinsiplari, ishlarni nazorat qilish, jihoz va qurilmalar o‘lchamlari, parametrlari va ish rejimlarini aniqlash, mahalliy sharoitga qarab qurilma va jihozlar hamda mashinalarni tanlash, ularni ishlatish va samarali foydalanish bo‘yicha  bilimlarni va ularni amalda qo‘llay bilishni o‘rgatadi
7 Qishloq xo‘jaligida innovatsion texnika va texnologiyalar

“Qishloq xo‘jaligida innovatsion texnika va texnologiyalar” fani bakalavriat ta’lim yo‘nalishi talabalariga tuproqqa asosiy va sayoz ishlov berish, urug‘ ekish va ko‘chat o‘tqazish, ekinlar qator oralariga ishlov berish, kasallik va zararkunandalariga qarshi kurash, paxta terish va g‘alla yig‘ishtirish, don tozalash, bog‘dorchilik va sabzavotchilikda qo‘llanilayotgan yangi innovatsion texnika va texnologiyalar haqida tushunchalar berib, bilim va ko‘nikmalar hosil qilishni nazarda tutadi. 
8 Aniq dehqonchilik asoslari

“Aniq dehqonchilik asoslari” fani aniq koordinatali qishloq xo‘jaligida qo‘llaniladigan global joylashish tizimlari, geoaxborot tizimlari, masofadan zondlash usullari, tuproqni tahlil etish, aniq ekish, tabaqalashtirib ishlov berish texnologiyalari, hosildorlikni baholash (monitoringlash) texnologiyasi va ularni amalga oshirishda qo‘llaniladigan texnika vositalari, aniq dehqonchilikning iqtisodiy va ekologik aspektlari haqida bakalavriat ta’lim yo‘nalishi va magistratura mutaxassisliklari talabalariga umumiy tushuncha va bilimlar berishga mo‘ljallangan
9 Ozuqalarni tayyorlash va saqlashni mexanizatsiyalash

Chorvachilikda mustahkam ozuqa bazasini tashkil qilish, ozuqalarni g‘amlash, saqlash va to‘yimli ozuqalar tayyorlash texnologiyalari, qo‘llaniladigan mashina va jihozlar turlari, tuzilishi, qo‘llanilish doirasi,  nazariyasi va hisoblash asoslari, ulardan foydalanish qoidalari,   konstruksiyasi va ish rejimlarining muayyan sharoitlar uchun ratsional ko‘rsatkichlarini tanlash usullarini o‘rgatadi
10 Chorvachilik asoslari

Chorvachilik va chorva mahsulotlari turlari, hayvonlar zotlari, parrandalarning zot va krosslari, hayvonlarning kelib chiqishi, chorvachilikda naslchilik ishi, qishloq xo‘jalik hayvonlarini ratsion asosida boqish, rasion va rasion tuzish prinsiplari, hayvonlarni individual o‘sish va rivojlanish qonuniyatlari, chorva hayvonlarini mahsuldorligi, sut va go‘sht ishlab chiqarish texnologiyasi, urchitish usullari, chatishtirish usullari, urchitish texnikasi,; hayvonlarni o‘sish va rivojlanishiga ta’sir etuvchi omillar, qishloq xo‘jalik hayvonlar mahsuldorligini oshirish asoslarini o‘rgatadi.
11 Dastlabki qayta ishlash va saqlashni mexanizatsiyalash asoslari

Dastlabki qayta ishlash va saqlash texnologiyasi qonuniyatlari, o‘simlik va chorva mahsulotlarini dastlabki qayta ishlash va saqlagichlar hamda ularda  qo‘llaniladigan mashina va jihozlari turlari, hisoblash asoslari, qurilmalarni tanlash va foydalanish qoidalari asoslarini o‘rgatadi.
12 Qishloq xo‘jaligi muxandisligi asoslari

Qishloq xo‘jaligida muxandislik tizimini qishloq xo‘jaligini mexanizatsiyalash sohasidagi asosiy kashfiyotlarni, xorijiy davlatlarning qishloq xo‘jaligi texnikalari to‘g‘risida ma’lumotlar qishloq xo‘jaligida amalga oshirilayotgan  islohotlarning ma’no-mazmunini o‘rgatadi.
13 Chorvachilik texnika va texnologiyalari

Chorvachilikda ishlab chiqarish texnologik jarayonlari va unda qo‘llaniladigan mashina va jihozlar tuzilishi, ishlash prinsipi va foydalanish qoidalari, mashinalarni tanlash va hisoblash, ishlab chiqarish texnologik jarayonlarini loyihalash asoslarini o‘rgatadi.
14 Qishloq xo‘jaligi mashinalari

“Qishloq xo‘jaligi mashinalari” fani tuproqqa ishlov beradigan, tuproqni o‘g‘itlaydigan, qishloq xo‘jalik ekinlari urug‘larini ekadigan, ko‘chatlarini o‘tqazadigan, ekinlarni parvarish qilishda, o‘simliklarni zararkunanda kasalliklari va begona o‘tlarga qarshi kurashishida qo‘llaniladigan, pichan, em-hashak tayyorlash, o‘simliklar hosilini yig‘ishtirish, don tozalash va saralash, quritish, ildizmeva, poliz va sabzavot ekinlarini etishtirish, meva etishtirishda qo‘llaniladigan  melioratsiya va sug‘orish ishlarida va boshqa ishlarni bajarishda qo‘llaniladigan texnikalar va jihozlar, asbob-uskunalar va boshqalarning vazifasi, tuzilishi, sozlanishi, ishga tayyorlash, texnologik ish jarayonlari, mashina va uning ishchi qismlari parametrlarini aniqlashning nazariy asoslari haqida ma’lumotlar berilgan bakalavriat ta’lim yo‘nalishi va magistratura mutaxassisliklari yo‘nalishi talabalariga bilim berishga mo‘ljallangan

Boshqa ma'lumot

Veb-sayt: http://acm.tiiame.uz/oz/page/qxm

Kafedra mudiri: Astanaqulov Komil Dullievich

Qabul kunlari: Dushanba Soat 13:00