“Suv xo‘jaligi tizimida Gender konsepsiyasini amalga oshirishdagi harakatlar” tanlovini o‘tkazish QOIDALARI

1. UMUMIY QOIDALAR

1.1. Ushbu Qoidalar O‘zbekiston Respublikasining suv xo‘jaligi tashkilotlarida faoliyat yuritayotgan ayol xodimlar, shuningdek irrigatsiya sohasidagi oliy ta’lim muassasalarida tahsil olayotgan talaba-qizlar o‘rtasida o‘tkaziladigan tanlovning maqsadi, vazifalari, tashkil etish va o‘tkazish tartibini belgilaydi.

1.2. Tanlov O‘zbekiston Respublikasi suv xo‘jaligi sohasining 2025–2030 yillarga mo‘ljallangan Gender kontseptsiyasini keng targ‘ib qilish strategiyasi doirasida o‘tkaziladi (keyingi o‘rinlarda — Gender kontseptsiyasi).

1.3. Tanlov Shveytsariya Konfederatsiyasi hukumati tomonidan moliyalashtirilayotgan Shveytsariya taraqqiyot va hamkorlik agentligi hamda O‘zbekiston Respublikasi Suv xo‘jaligi vazirligi o‘zaro hamkorlikda amalga oshirayotgan “O‘zbekistonda Suv resurslarini boshqarish milliy loyihasi” doirasida o‘tkaziladi.

2. TANLOVNING MAQSADI VA VAZIFALARI

2.1. Tanlovning maqsadi

Suv xo‘jaligi sohasining 2025–2030 yillarga mo‘ljallangan Gender kontseptsiyasi to‘g‘risida xabardorlikni oshirish, shuningdek, uni amalga oshirishga ayol mutaxassislarning qo‘shayotgan hissalarini aniqlash, ularni qo‘llab-quvvatlash va rag‘batlantirish, ayollarning liderligi, ustozlik (mentorlik) ko‘nikmalari va ish joylarida inklyuziv amaliyotlarni rivojlantirish.

2.2. Tanlovning vazifalari

• suv xo‘jaligi sohasida ayollarning ishtirokini ifodalovchi ijobiy tajribalarni ommalashtirish;

• ayol-liderlar va istiqbolli yosh mutaxassisalarni aniqlash;

• avlodlar o‘rtasida bilim va tajriba almashishga qaratilgan ustozlikni rag‘batlantirish;

• suv xo‘jaligi sohasida ayollar kasbiy (professional) hamjamiyatini shakllantirish.

3. TANLOV ISHTIROKCHILARI

3.1. Tanlovda quyidagi shaxslar ishtirok etishi mumkin:

• O‘zbekiston Respublikasi Suv xo‘jaligi vazirligi tizimi va uning tasarrufidagi tashkilotlarda faoliyat yuritayotgan ayol xodimlar;

• suv xo‘jaligi va irrigatsiya sohasida faoliyat yuritayotgan boshqa tashkilotlarda ishlovchi ayol mutaxassislar;

• irrigatsiya va suv xo‘jaligi yo‘nalishidagi oliy ta’lim muassasalarining bakalavriat, magistratura va doktorantura bosqichlarida tahsil olayotgan talaba-qizlar.

3.2. Tanlovda ishtirok etish uchun yosh bo‘yicha cheklovlar belgilanmaydi.

3.3. Har bir ishtirokchi tanlovga faqat bitta ish taqdim etishi mumkin.

4. TANLOV NOMINATSIYALARI

Tanlov quyidagi nominatsiyalar bo‘yicha o‘tkaziladi:

1. “SUV XO‘JALIGIDA AYOL-LIDER” MAVZUSIDAGI ENG YAXSHI FOTOHIKOYa 

2. "GENDER KONTSEPTSIYASI RIVOJIGA QO‘SHGAN HISSAM" MAVZUSIDAGI ENG YAXSHI VIDEO MUROJAAT

3. SUV XO‘JALIGIDA YOSh AYOL-LIDER MAVZUSIDAGI POWER POINT PREZENTATSIYASI (FAQAT TALABALAR VA OLIY TAʹLIM MUASSASALARIDA TAHSIL OLAYOTGAN YOSh MUTAXASSISLAR UCHUN)

5. TANLOV ISHLARINING SHAKLI VA TALABLARI

5.1. Tanlov ishlari quyidagi shakllardan biri orqali taqdim etilishi mumkin:

1. NOMINATSIYAGA: “SUV XO‘JALIGIDA AYOL-LIDER” mavzusidagi eng yaxshi fotohikoya 

Formati: 5–7 ta fotosurat + sarlavhalar (1–2 ta gap)

Fotosuratlar:

• SXV tizimidagi kundalik ish;

• qaror qabul qilishda ishtirok etish;

• hamkasblar va jamoatchilik bilan o‘zaro aloqa;

• professional ayol etakchilik namunasi va shunga o‘hshash lahzalarni ko‘rsatish kerak. 

Suratlar haqiqiy ish faoliyati bilan bog‘liq bo‘lishi kerak. Sarlavhalar ketma-ketligi hikoyani to‘liq tashkil qilishi kerak.

2 NOMINATSIYAGA:

"Gender kontseptsiyasi rivojiga qo‘shgan hissam" mavzusidagi eng yaxshi video murojaat

Formati: Davomiyligi 2 daqiqagacha bo‘lgan videorolik

Tavsiya etilgan tuzilma:

• siz kimsiz va SXV tizimida qaysi tashkilotda ishlaysiz;

• gender tengligini rivojlantirish uchun shaxsan nima ishlar qilasiz;

• bugungi kunda qanday o‘zgarishlarni ko‘ryapsiz;

• tizimdagi boshqa ayollarga qisqa murojaat.

3 NOMINATSIYAGA:

Suv xo‘jaligida yosh ayol-lider mavzusidagi eng yaxshi POWER POINT prezentatsiyasi 

Formati: 3–5 slayddan iborat POWER POINT prezentatsiyasi + sarlavhalar

5.2. Tanlov ishlarining mavzusi tanlov g‘oyasiga mos bo‘lishi lozim

5.3. Asosiy talablar:

• ishning originalligi va muallifligi;

• amaliy ahamiyatga egaligi;

• tanlov maqsad va vazifalariga muvofiqligi;

• kasbiy etika qoidalariga rioya etilishi.

Taqdim etish talablari

• Suratlar ishtirokchi tomonidan shaxsan olingan bo‘lishi kerak.

• Suratlar haqiqiy ish kunini aks ettirishi kerak: ish jarayoni, joylarga tashriflar, hamkasblar bilan muloqot, trening, monitoring, uchrashuvlar va boshqalarni ifodalashi kerak.

• Rasmlar axloq doirasida bo‘lishi, xavfsizlik yoki rasmiy maxfiylikni buzmasligi kerak.

• Taqdim etilgan materiallar kanal ko‘rsatmalariga muvofiq tanlov adminiga yuborilishi kerak.

5.4. Tanlov ishlari o‘zbek tilida taqdim etiladi.

6. TANLOVDA QATNASHISH TARTIBI

1-qadam - Agar TOMCHI telegram kanaliga a’zo bo‘lmasangiz, albatta unga a’zo bo‘lishingiz talab qilinadi.

2-qadam – O‘zingizga to‘g‘ri keladigan nominatsiyani tanlang va jo‘natadigan materiallaringizni tayyorlang.

3-qadam – tayyorlagan materialingizni @gender_konsepsiya_tanlov_admin TG manziliga yuboring va administratordan javob kuting .

4-qadam Administratorning ko‘rsatmalariga amal qiling va u yuborgan havolani iloji boricha ko‘proq do‘stlarga yuborib ulardan sizga ovoz berishlarini so‘rang.

· 6.1.G'oliblarni aniqlash     

• Tanlov g‘oliblari har bir nominatsiya bo‘yicha aniqlanadi.

• Tanlov natijalariga ko‘ra 3 g‘olib va 6 sovrindor aniqlanadi (har bir nominatsiyada alohida 1,2,3 o‘rinlar egalari aniqlanadi).

• Tanlovga taqdim qilingan ishlar sharhlanmaydi va qaytarilmaydi.

• Tanlovda ishtirok etish va uning natijalari bo‘yicha murojaatlar qabul qilinmaydi.

• Eng yaxshi tanlov ishlari telegrammdagi TOMCHI kanali va loyihaning ijtimoiy tarmoqlardagi sahifalarida e’lon qilinadi .

O‘Z NOMINATSIYASI DOIRASIDA ENG KO‘P OVOZ TO‘PLAGAN ISHTIROKCHI G‘OLIB DEB TOPILADI

ALBATTA: tanlovda ishtirok etish uchun ariza shakli ilova qilinadi

ARIZA SHAKLI

Ishtirokchining ismi sharifi

Ish/o‘qish joyi (tashkilot nomi, manzili)

Telefon raqamlari

7. TANLOV SOVRINLARI

1-o‘rin – Planshet (3 ta sovrin, uchta nominatsiyada bittadan)

2-o‘rin – Smartfon (3 ta sovrin, uchta nominatsiyada bittadan)

3-o‘rin – Smartwatch (3 ta sovrin, uchta nominatsiyada bittadan)

8. TANLOVNI O‘TKAZILISH MUDDATI

Tanlov 2026 yilning 12 FEVRALIDAN 12 MARTIGACHA bo‘lgan muddatda o‘tkaziladi.

12-FEVRAL kuni tanlov bo‘yicha e’lonlar Loyiha va Suv xo‘jaligi vazirligining ijtimoiy tarmoqlari va veb-resurslarida, shuningdek, suv resurslarini boshqarish bilan bog‘lik mutaxassisliklarni o‘qitadigan oliy ta’lim muassasalarining resusrslarida joylashtiriladi.

Ishlarni qabul qilish 12 MART SOAT 18:00 DA YOPILADI!

13 MART SOAT 09:00 DA OVOZ BERISH BOShLANADI!

Ovoz berish 17 MART KUNI SOAT 18:00 DA YOPILADI!

21 MARTDA Tanlov natijalari e’lon qilinadi va Loyiha resurslarida joylashtiriladi.

G‘oliblarga sovrinlar 25 MART KUNI boshlanadigan Suv Haftasi kuniga bag‘ishlangan tadbirlar doirasida topshiriladi

9. YAKUNIY QOIDALAR

9.1. Tanlovda ishtirok etish mazkur Qoidalarga to‘liq amal qilishga rozilik bildirishni anglatadi.

9.2. Tashkilotchi tanlov materiallaridan mualliflik ko‘rsatilgan holda notijorat axborot va ta’limiy maqsadlarda foydalanish huquqini saqlab qoladi.

9.3. Ushbu Qoidalarda nazarda tutilmagan masalalar Tanlov tashkilotchisi tomonidan hal etiladi.