Yer resurslarini boshqarish fakulteti

Fakultet dekani

Muqimov Zarip Majlisovich

iqtisod fanlari nomzodi, dotsent

Qabul kunlari: Chorshanba: 10:00-13:00

tel.: +998712370970

e-mail: landcadastre@e-tiiame.uz

www.lulc.tiiame.uz


Fakultet haqida

Fakultet 1945 yilda Toshkent irrigatsiya va qishloq xo‘jaligini mexanizatsiyalash injenerlar instituti (TIQXMII) tarkibida  Yer tuzish nomi bilan tashkil etildi.

Fakultet 2004 yildan hozirgi kunga qadar Yerdan foydalanish va yer kadastri nomi bilan faoliyat ko‘rsatib kelmoqda.

Fakultet respublikada qishloq va suv xo‘jaligi uchun yer tuzish, yer kadastri, geodeziya va kartografiya sohalari bo‘yicha yuqori malakali kadrlar tayyorlaydigan yagona maskan hisoblanadi.

Fakultet dastlab tashkil etilganda uning birinchi rahbari dotsent M.N.Maslov, keyinchalik esa professor P.K.Tatur, dotsentlar J.K.Baranov, V.S.Artamonov, A.N.Nazirov, A.T.Abdurazzoqov, professor O.Ramazonov, dotsent Q.Raxmonov va prof. S.Avezbaevlar yetakchilik qilishdilar. 2011 yildan buyon dotsent Z.Muqimov fakultetga rahbarlik qilib kelmoqda.

Fakultet tarkibida dastlab bitta Geodeziya kafedrasi mavjud bo‘lgan bo‘lsa, keyingi yillarda Yer tuzishni loyihalash, Qishloq aholi yashash joylarini loyihalash va obodonlashtirish, Aerofotogeodeziya, Tuproqshunoslik va dehonchilik, Yer tuzish va yer munosabatlari, Yer kadastri, Kartografiya kafedralari tashkil etilgan.

Bugungi kunda fakultetda Yerdan foydalanish va yer kadastri, Geodeziya va geoinformatika, Davlat kadastrlari va Oliy matematika kafedralari faoliyat ko‘rsatmoqda.

2004-yildan hozirga qadar “Yerdan foydalanish  va yer kadastri” nomi bilan faoliyat ko‘rsatib   kelmoqda.

Fakultet kafedralarida bugungi kunda  respublikamiz ravnaqi uchun o‘z hissasini  qo‘shayotgan olimlar va yetuk professorlar  A.Chertovitskiy, S.Avezbaev, B.Xudoyorov, Sh.Narimov dotsentlar Q.Raxmonov, Z.Muqimov, I.Musaev, O.Ko‘charov, O.Bobojonov, T.Yergashev va malakali o‘qituvchilar talabalarga ta’lim berishmoqdalar.

Fakultetda yer tuzish va yer kadastri, geodeziya  va kartografiya sohalari bo‘yicha ishlab chiqarish bilan uzviy aloqalarni ta’minlash, talabalarga bilim berish va professor - o‘qituvchilarning malakasini oshirish hamda moddiy texnik bazasini mustahkamlash, shuningdek o‘quv va ishlab chiqarish amaliyotlarini tashkil qilish maqsadida  “Yergeodezkadastr” davlat qo‘mitasi va uning  tizimidagi korxona va tashkilotlar bilan hamkorlikdagi ishlar amalga oshirilmoqda.