“TIQXMMI” MTU delegatsiyasi Vengriyaning Debrecen universitetiga tashrif buyurdi

12.06.2025

#Ilmiy faoliyat #Xalqaro hamkorlik #Yangilik

Joriy yilning 6-iyun kuni “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti Ilmiy ishlar va innovatsiyalar bo’yicha prorektori professor Shuhrat Shokirov hamda Xalqaro reyting bo’limi boshlig’i Ilxom Abduraxmanov Vengriyaning yetkachi universitetlaridan biri bo’lgan Debrecen universitetiga tashrif buyurishdi.

“TIQXMMI” MTU delegatsiyasini Debrecen universiteti Qishloq xoʻjaligi va oziq-ovqat fanlarini rivojlantirish boʻyicha masʼul sektorni rivojlantirish boʻyicha prorektori professor Endre Harsányi qabul qildi. Shuningdek, ushrashuvda Koordinatsiya va strategik ishlar bo’yicha direktor Oksana Kisil, Xalqaro ta'limni muvofiqlashtirish markazining dastur direktori Laslo Kozma ham ishtirok etdi.

Uchrashuv avvalida har ikki universitet haqida ma’lumotlar almashilib, tanishtirib o’tildi. Shundan so’ng, qishloq va suv xo'jaligi, gidrotexnika qurilishi, yer resurslarini boshqarish va geoinformatika, atrof-muhit muhofazasi va ekologiya, axborot texnologiyalari va informatika kabi yo’naishlarda hamkorlikda qo’shma ilmiy loyihalarni amalga oshirish, maqolalar chop etish imkoniyatlari ko’rib chiqilib, ularni amalga oshirish yo’llari muhokama qilindi. Shuningdek, tez orada ikki universitet o’rtasida hamkorlik memorandumini imzolashga kelishib olindi.

Tashrif davomida Debrecen universitetining ilmiy laboratoriya va markazlariga borib, amalga oshirilayotgan ilmiy ishlar natijalari bilan tanishildi. Shundan so’ng, Geologiya fanlari instituti rahbari, professor Szilard Szabo hamda Fizik geografiya va geoinformatika kafedrasi dotsenti Laslo Bertalan bilan uchrashuv tashkil etildi. Uchrashuvda geoinformatika, geodeziya, masofadan zondlash, kadastr va yer resurslarini boshqarish sohalarida ikki tomonlama hamkorlikni amalga oshirish imkoniyatlari muhokama qilindi. Navbatdagi e’lon qilinadigan ilmiy loyihalar tanloviga birgalikda topshirish uchun bir qator muammoli mavzular va ularning ilmiy yechimlari muhokama qilinib, birgalikda ilmiy loyihalar shakllantirib, topshirishga kelishib olindi.

Ma’lumot uchun: Debrecen universiteti QS xalqaro reyting agentligining dunyo universitetlari reytingida 574-o’rinda, THE xalqaro reyting agentligining dunyo universitetlari reytingida 801-1000-o’rinda turadi. Ushbu tashrif Vengriyaning yetakchi OTMlari bilan xalqaro hamkorlik aloqalarini yanada rivojlantirishga xizmat qiladi.