“Toshkent GESlar kaskadi” filialida amaliy darslar

03.05.2025

#Ta`lim

Jamiyatimizni ijtimoiy-iqtisodiy rivojlantirish uchun oliy ma’lumotli mutaxassislarni tayyorlash sifatini oshirishda iqtisodiyot sohalari va tarmoqlarining ishtirokini kengaytirish, jumladan gidroenergetika sohasini rivojlantirishda ilm-fan va ishlab chiqarish jarayonlari integratsiyalashuvi bo‘yicha islohotlarni izchil amalga oshirish asosiy masalalardan hisoblanadi.

Shu maqsadda “Nasos stansiyalari va gidroelektrostansiyalar” kafedrasi va “Toshkent GESlar kaskadi” filiali o‘rtasida gidroenergetika sohasini rivojlantirishda fan, ta’lim va ishlab chiqarishning mustahkam integratsiyasini ta’minlash hamda “Dual ta’lim”ni  rivojlnatirish maqsadida imzolangan shartnomaga muafiq “Irrigatsiya tizimlarida gidroenergetika obyektlari” ta’lim yo‘nalishi 3-kurs talabalari  “Bo‘zsuv” GESi, “Bo‘rjar” GESi, “Shayxantoxur” GESi, “Oqtepa” GESlarida amaliy darslar tashkil qilindi.

Darslarni fakultet dekani L.Q.Babajanov, kafedra mudiri D.R.Bazarov, xamda kafedra professor-o‘qituvchilari olib bordi. Mamlakatimizning energetika mustaqilligini kuchaytirish, mavjud gidroelektrostansiyalardan samarali va xavfsiz foydalanish, samarali yangi elektr energiyasi ishlab chiqarish tashkilotlarini yaratish orqali O‘zbekistonda yagona gidroenergetika sohasini yaratish yo‘lida ulkan ishlarni amalga oshiralayotganligi takidlandi.

 

“Nasos stansiyalari va gidroelektrostansiyalar” kafedrasi axboroti