"Oʻrtoqlik turniri“ yakuniga yetdi
07.04.2025
Mana, bir necha kun mobaynida sakkizta OTMning terma
jamoalari oʻrtasida davom etgan musobaqa yakuniga yetdi.
“TIQXMMI” Milliy tadqiqot universitetining 90 yilligiga bagʻishlab,
Toshkent shahrida joylashgan oliy taʼlim muassasalari terma jamoalari oʻrtasida oʻtkazilgan “oʻrtoqlik turniri” sportning
ikkita turi boʻyicha voleybol va minifutbol oʻyinlari shiddatli, qizgʻin va
keskin tarzda kechdi.
Oldin eslatib oʻtganimizdek, ”Sogʻlom inson-sogʻlom
millat“ shiori ostida tashkil etilgan ushbu
turnirda Oʻzbekiston Milliy
universiteti, Toshkent Davlat iqtisodiyot universiteti, Toshkent Axborot
texnologiyalar universiteti, Toshkent davlat Sharqshunoslik universiteti,
Toshkent davlat Agrar universiteti, Toshkent ijtimoiy innovatsiyalar
universiteti, Menejment va zamonaviy texnologiyalar universiteti jamoalari
bilan birga bizning universitet jamoasi qatnashdi.
Rektorimiz Bahodir Mirzayev tomonidan qoʻyilgan sovrinlar
oʻz egalarini topdi. Gʼoliblarga
tegishli sovrin va pul mukofotlarini rektorning o‘z topshirdi.
Mini-futbol boʻyicha 1-oʻrin OʻzMUning terma jamoasiga
nasib etdi va Diplom, medal, 7 million soʻm egasi boʻldi.
2-oʻrinni esa TDAU terma jamoasi ishgʻol etdi va
oʻzlariga tegishli Diplom, medal, 5 million soʻm pul miqdoridagi pulni qabul
qilib olishdi.
3-oʻrinni esa universitetimiz jamoasi egalladi.
Diplom, medal, 3 million soʻmning egasi boʻldi. Tabiiyki, ”Irrigator" terma jamoasi mezbon
sifatida mehmon jamoalarga imkon yaratdi.
Voleybol boʻyicha 1-oʻrinni TDIU terma jamoasi egalladi. Diplom, medal va 7
mln. soʻm pulni qoʻlga kiritdi.
2 - oʻrinni OʻzMU
terma jamoasi zabt etib 5 mln soʻm va diplom, medal egasi boʻldi.
Bu gal ham jamoamiz 3-oʻrin egasi boʻldi. Diplom,
medal, 3 mln. soʻmni qabul qilib oldi.
Xullas, ushbu musobaqa doʻstlik va ahillikning
tantanasi boʻlib jarang sochdi.
“Jismoniy tarbiya va sport” kafedrasi dotsenti
M.Norqobilov axboroti
Universitet matbuot xizmati
