Lider qizlar klubi a’zolari davrasida
05.04.2025
"Toshkent irrigatsiya va qishloq xo‘jaligini mexanizatsiyalash muhandislari instituti" milliy tadqiqot universitetida Oliy ta’lim, fan va innovatsiyalar vazirligining 2025 yil 27 martdagi 3/15-4/1-2521-sonli xatida berilgan vazifalarning ijrosi yuzasidan 2025 yil 4-aprel kuni universitetda Zulfiya Davlat mukofoti nomzodi Burxonova Munisa Ma’murjon qizi bilan "Ta’lim, bilim yuksak marralar sari yetaklaydi" mavzusida universitet Lider qizlar klubi a’zolari ishtirokida davra suhbati bo‘lib o‘tdi.
Universitetimizdan shu mukofotga nomzod bo‘lgan “Ofis registrator” bo‘limi bosh mutaxassisi, “Melioratsiya va sug‘orma dehqonchilik” mutaxassisligi 2-bosqich doktoranti Burxonova Munisa Ma’murjon qizi so‘zga chiqdi.
Uning ta’kidlashicha, bu mukofot faqat shaxsiy muvaffaqiyat va mehnatning natijasi emas, balki o‘sha sohadagi barcha ayollar uchun yangilik va ilhom manbaidir. Uning fikricha, bu mukofot ayollarning davlat hayotidagi muhim roliga, jamiyatdagi islohotlarga va oilaviy hayotdagi muvaffaqiyatlariga o‘ziga xos bir e’tiborni ko‘rsatadi.
M.Burxonova ayollar uchun ijtimoiy dasturlar, huquqlarini ta’minlash va ularning imkoniyatlarini kengaytirish borasidagi faoliyati haqida gapirar ekan, jamiyatdagi ayollarning roli har kuni mustahkamlanib borayotganini ta’kidladi. Uning fikricha, ayollar faqat oilada emas, balki ishlab chiqarish va siyosat sohalarida ham faol bo‘lishga haqli. Ushbu yo‘nalishdagi o‘zining bir qator loyihalari bilan, unga ko‘plab ayollarning imkoniyatlarini kengaytirishga yordam berish maqsadi ko‘zlangan.
Shuningdek, universitetda faol, tashabbuskor, iqtidorli talaba-qizlar orasidan davlat fuqarolik xizmati uchun yangi avlod istiqbolli kadrlarini saralash, liderlik (rahbarlik) ko‘nikmalariga o‘rgatish, yuqori malakali yangi avlod xotin-qizlar zaxirasini shakllantirish to‘g‘risida universitet rahbariyatiga ma’lumot va takliflar berib kelinmoqda.
Burxonova Munisa Ma’murjon qizi bugungi kunda ta’lim va bilimning muhimligi, ilmning yuksak marralarga yo‘l ochishi, shuning uchun talaba-qizlarning ilmga bo‘lgan munosabatini yanada oshirish lozimligini ta’kidlab o‘tdi.
Ushbu tadbirda Z.Xafizova, R.Gazieva, B.Mamadalieva, E.Ganiboeva va CH.Oxunboboevalar qatnashdilar.
YRK fakultetining xotin-qizlar masalalari bo‘yicha dekan maslahatchisi Z.Xafizova axboroti
Universitet matbuot xizmati
