Sumalak suzilguncha
04.04.2025
“TIQXMMI”-MTU “Gidromelioratsiya” fakultetining bir guruh talaba-qizlari hamda professor-o‘qituvchilar sumalak saylida faol ishtirok etishdi. «Sumalak» atamasi – «sharbat uchun qilingan», «undirilgan arpa» ma’nosini anglatuvchi qadimgi turkiy so‘z bo‘lmish «suma»dan kelib chiqqan. Sumalak tayyorlashda dastavval, bug‘doy doni yaxshilab yuviladi va bir kunga sovuq suvga bo‘ktirib qo‘yiladi. Ertasiga bug‘doy yassi yuzaga 2-2.5 sm qalinlikda yoyib chiqiladi. Bug‘doy undiriladigan xona salqin va qorong‘i bo‘lishi kerak. Bug‘doy undirayotgan odam kuniga 4 marotaba bug‘doyga suv quyib turadi. Bu jarayon bug‘doy unib chiqquniga qadar davom etadi.
Odatda, bug‘doy 1 haftada unib chiqadi. Bug‘doy haddan tashqari o‘sib ketsa sumalak taxir chiqadi. Shunga alohida e’tibor berish kerak. 1 kg bug‘doyga 4 kg un qo‘shiladi. Bahoriy taomlardan sumalakni barcha sevib iste’mol qiladi desak mubolag‘a bo‘lmaydi. Talaba qizlarimiz tomonidan o‘yin-kulgi, raqslar tashkil qilinganligini barchani kayfiyatini yanada ko‘tardi.
“Gidromelioratsiya” fakulteti dekan maslahatchisi Z. Beknazarova, Fakultet tyutori G. Axmedjanova axboroti
Universitet matbuot xizmati
