Birinchi akademik bizda ishlagan
04.04.2025
"Toshkent irrigatsiya va qishloq xo‘jaligini mexanizatsiyalash muhandislari instituti" Milliy tadqiqot universiteti "Oliy matematika" kafedrasi assistenti O.Bozorova boshchiligida QXM 103-guruh talabalari birinchi akademik ustoz Qori Niyoziy uy-muzeyiga tashrif buyurdilar. Muzeydagi boy eksponatlar bilan tanishar ekanlar, talabalar bizning universitetimiz ustoz Qori Niyoziy mehnat faoliyatida nechog‘lik ahamiyat kasb etganligi, nega universitet joylashgan ko‘cha Qori Niyoziy nomi bilan bog‘liqligini bilib olishdi. qiziqdilar. Ustoz bizning oliygohda "Oliy matematika" kafedrasi mudiri bo‘lib ishlaganligi, o‘zbek matematika terminologiyasi, oliy va o‘rta o‘quv muassasalari uchun haqiqiy matematik adabiyotlar asoschisi hamda fan tarixi bo‘yicha yirik mutaxassis hisoblangani juda hayratlanarli. Sharhlovchining aytishicha, ustozning uch yuzdan ortiq ilmiy ishlari nashr qilingan, jumladan, fan sohasida olamshumul ixtiro sifatida chuqur tan olingan „Ulug‘bekning astronomiya maktabi“ monografiyasi 1952-yilda davlat mukofotiga sazovor bo‘lgan. Qiziquvchan talabalarimiz ustoz qoldirgan ulkan ishlar bilan tanishib, shunday buyuk insonlar mehnati singgan dargohda o‘qiyotganliklaridan faxr bilan qaytdilar.
O. Bozorova axboroti
Universitet matbuot xizmati
