Sakkiz jamoa jam bo‘ldi - chinakam bayram bo‘ldi!

03.04.2025

#Ma`naviy va tashkiliy #Sport

Sport musobaqalarini tomosha qilish zavqli. Ayni kunda universitetimizda bu qizg‘in jarayonning shohidi bo‘lish mumkin.

Universitet rektori Bahodir Mirzayev prorektor va fakultet dekanlari bilan ana shu qizg‘in jarayonni kuzatish uchun tashrif buyurdi.

“TIQXMMI” Milliy tadqiqot  universitetining 90 yilligiga bagʻishlab, Toshkent shahrida joylashgan oliy taʼlim muassasalari  terma jamoalari oʻrtasida  oʻtkazilgan “oʻrtoqlik turniri” ning universitetimizda tashkil etilgani alohida ahamiyat kasb etdi.

"Sog‘lom inson-sog‘lom millat" shiori ostida sportning mini-futbol, voleybol turlari bo‘yicha start berilgan ushbu  turnirda  O‘zbekiston Milliy universiteti, Toshkent Davlat iqtisodiyot universiteti, Toshkent Axborot texnologiyalar universiteti, Toshkent davlat Sharqshunoslik universiteti, Toshkent davlat Agrar universiteti, Toshkent ijtimoiy innovatsiyalar universiteti, Menejment va zamonaviy texnologiyalar universiteti jamoalari bilan birga bizning universitet jamoasi ham jami sakkizta jamoa ikkita sport turi bo‘yicha musobaqaga shay bo‘lib turishdi.

Toshkent Axborot texnologiyalari universiteti rektori Baxtiyor Maxkamov boshchiligida kelgan talabalardan tarkib topgan ikkita jamoa ham hoziru nozir turishdi.

Musobaqa boshlanishi oldidan universitetimiz prorektori Ro‘zimurod Choriyev tadbirning ahamiyati haqida gapirib, rektorimiz Bahodir Mirzayevga so‘z berdi. Ular esa OTMlar orasida o‘tkaziladigan sport musobaqalari chinakam do‘stlikni mustahkamlashga xizmat qilishini eʼtirof etdi. So‘ngra mamnuniyat va minnatdorchilik bilan Toshkent Axborot texnologiyalari universiteti rektori Baxtiyor Mahkamovga so‘z berdi.

TATU rektori bunday yo‘sindagi o‘rtoqlik uchrashuvlari muntazam bo‘lib turishi foydadan xoli bo‘lmasligini qayd etdi. Rektorlar barcha jamoalarga omad tilashdi. So‘ngra qizg‘in musobaqa jadal boshlandi. Bosh hakam Muhiddin Norqobilov bergan maʼlumotlarga asosan natija quyidagicha yo‘sinda bo‘ldi.

Mini futbol bo‘yicha

 

Terma jamoalar

 

1-tur natijalari

 

1.

TIQXMMI MTU   :    TIIU

14:2

2.

O‘zMU :    TDShU

4:0

 

Voleybol bo‘yicha

 

Terma jamoalar

 

1-tur natijalari

 

1.

   TDAU  :   ТIIU

3 : 0

2.

 TDIU     :  ТDShU

2 : 1 

3.

    “TIQXMMI MTU   :   UMFT

3 : 0

 

 

2-tur natijalari

1.

O‘zMU  :    TATU

3 : 0

2.

   “TIQXMMI MTU     :   ТDAU

3 : 0

3.

  TATU   :      ТDShU

3 : 0

 

“Jismoniy tarbiya va sport” kafedrasi dotsenti M.Norqobilov axboroti

Universitet matbuot xizmati