Targ‘ibot ishlari davom etmoqda
03.04.2025
Keyingi vaqtlarda Universitetimizda maktab bitiruvchilarining oliy ta’limga qamrovini oshirish va ularning oliy ta’lim muassasalariga o‘qishga kirishlari uchun ko‘maklashish borasida bir qancha ishlar amalga oshirilmoqda. Jumladan, joriy yilning 3-aprel kuni “Irrigatsiya va melioratsiya” kafedrasi professori Matyaqubov Baxtiyar Shamuratovich va dotsenti Mamataliyev Adham Boymirzayevichlar Toshkent shahri Mirzo-Ulug‘bek tumanidagi 142-maktabga tashrif buyurishdi.
Tashrif vaqtida maktabning bitiruvchi sinf o‘quvchilari bilan uchrashuv tashkillashtirildi. Dastlab bitiruvchilar uchun universitetimiz to‘g‘risidagi video rolik namoyish etildi. So‘ngra universitetimiz faoliyati, ta’lim yo‘nalishlari, talabalar uchun yaratilgan sharoitlar, universitetning mamlakat va xalqaro miqyosdagi yutuqlari aks etgan ma’lumotlar taqdimot qilindi. Universitetimizdagi fakultet va yo‘nalishlar to‘g‘risidagi ma’lumotlar aks etgan varaqalar tarqatildi. Bitiruvchilarni qiziqtirgan ko‘plab savollarga javob berildi.
Uchrashuv ko‘tarinki ruxda, qiziqarli va savol-javoblarga boy tarzda o‘tdi.
Universitet matbuot xizmati
