Tabiat qo‘ynida bilim va salomatlik sari
03.04.2025
“Ingliz tili” kafedrasida an’anaga aylangan dars jarayonlarini noan’anaviy usulda tashkil etish maqsadida joriy yilning 2-aprel kuni kafedra o‘qituvchisi Ziyadullayeva Mohidil “Buxgalteriya va audit” yo‘nalishi 1-kurs 08-guruh talabalari bilan ochiq havoda dars o‘tkazdi. Dars Zahiriddin Muhammad Bobur nomidagi “Eco Park”da bo‘lib o‘tdi va “Body and Healthy Lifestyle” mavzusiga bag‘ishlandi.
Dars davomida talabalar nafaqat mavzuga oid nazariy bilimlarini mustahkamlashdi, balki turli interaktiv o‘yinlar orqali sog‘lom turmush tarzi va inson organizmining tuzilishi haqida ingliz tilida erkin muloqot qilish imkoniyatiga ega bo‘lishdi. O‘yinlar jamoaviy tarzda tashkil etilib, har bir talaba faol ishtirok etdi. Ayniqsa, guruhlarga bo‘linib, sog‘lom turmush tarzi bo‘yicha maslahatlar berish va ingliz tilida kichik chiqishlar qilish talabalar uchun juda qiziqarli va foydali bo‘ldi.
Dars yakunida talabalar o‘z taassurotlari bilan o‘rtoqlashib, bunday noan’anaviy dars uslubi ularning ingliz tilini o‘rganish motivatsiyasini oshirishga yordam berishini ta’kidlab o‘tishdi. Dars samarali va mazmunli o‘tgani sababli kelgusida ham shunday interaktiv darslarni tashkil etish taklif qilindi.
"Ingliz tili" kafedrasi o‘qituvchisi M.Ziyadulloyeva axboroti
Universitet matbuot xizmati
