Ayollar ilmiy faoliyatda -loyihalar tanlovi
03.04.2025
Ilmiy faoliyatga oid davlat dasturlari
doirasida bajariladigan amaliy tadqiqotlar va innovatsion loyihalar bo‘yicha
“Olima ayollar” tanlovi e'loni boʻyicha ilmiy boʻlim tomonidan seminar-trening
olib borilganligi haqida ma'lumotlar berib borilmoqda. Shunga qaramay “Olima
ayollar” klubi raisi iqtisodiyot fanlari
nomzodi, dotsent U.Sangirova tomonidan loyihalar ustida ishlaetgan klub a'zolariga yoʻnalishlar boʻyicha
maslahatlar berib kelinmoqda. Shu munosabat bilan bugungi kunda universitetimiz
ayollari tomonidan shu kunga qadar 10 ga yaqin loyihalar tayyorlanmoqda.
Tanlov Oila va
xotin-qizlar qoʻmitasi bilan birgalikda Oʻzbekiston Respublikasi Prezidentining
“Oila va xotin-qizlarni tizimli qoʻllab-quvvatlashga doir ishlarni yanada
jadallashtirish chora-tadbirlari toʻgʻrisida” 2022-yil 7-martdagi PF-87-son
Farmonining 5.2-bandiga asosan ilmiy-tadqiqot ishlarining ustuvor yo‘nalishlari
doirasida tashkil etilmoqda.
Tanlov doirasida ilmiy ekspertiza natijalariga ko‘ra
eng yuqori ball to‘plagan ilmiy loyihalar fan yo‘nalishari kesimida
ajratiladigan kvotalar asosida saralab olinadi.
Tanlovning
asosiy maqsadi – respublikamizda xotin-qizlarni ilm-fanga keng jalb
qilish, fan-taʼlim va iqtisodiyotning turli tarmoq va sohalarida ilmiy faoliyat
bilan shugʻullanayotgan xotin-qizlarning yangi gʻoya va ishlanmalarini har
tomonlama qoʻllab-quvvatlash va ragʻbatlantirish, tashabbuskor amaliy
tadqiqotlar va innovatsion loyihalar natijalari boʻyicha iqtisodiyot tarmoqlari
va ijtimoiy sohaning mavjud muammolari, real ehtiyojlari hamda hududiy
muammolarni hal etishga qaratilgan ilmiy hajmdor mahsulotlar va innovatsion
texnologiyalarni yaratishdan iborat.
Bugun tayyorlanayotgan loyihalar boʻyicha “Olima ayollar”klubi a'zosi “Hayot
faoliyati xavfsizligi” kafedra dosenti, t.f.n. Zulfiya Mirxosilova va
universitet xotin-qizlar maslaxat kengashi raisi professor Z.Ismailova
tomonidan fakultetlarda ayollar orasida
tayyorlanayotgan loyihalar doirasida savol javoblar, kerakli maslahatlar,
loyihani topshirish xujjatlariga doir
masalalar yuzasidan vebinar uchrashuv boʻlib oʻtdi. Vebinar uchrashuv
jarayonida loyiha ustida ishlayotgan olima ayollar, doktorantlar kerakli
maslahatlarni oldilar va loyixalarini topshirishga tayyor xolada elektron shaklda onlayn saytiga yuboradilar degan umiddamiz.
Tanlov 2025-yil 20-martdan 20-aprelga qadar faqat
elektron shaklda qabul qilinadi.
