Noan’anaviy dars - muzeyda

02.04.2025

#Ma`naviy va tashkiliy #Yangilik

  "Ingliz tili" kafedrasi o‘qituvchisi Parpiyeva Umida Xasanovna tomonidan "Gidrotexnika qurilishi" fakulteti 108-guruh talabalari uchun navbatdagi noan’anaviy dars mashg‘uloti O‘zbekiston Respublikasining Birinchi Prezidenti Islom Karimov xotirasiga bag‘ishlangan muzeyda tashkil etildi.

  Muzeyga tashrif davomida talabalar O‘zbekistonning Birinchi Prezidenti hayoti va faoliyati, uning mamlakatimiz mustaqilligi va ravnaqi yo‘lidagi xizmatlari bilan yaqindan tanishdilar. Talabalar muzey eksponatlari asosida ingliz tilida savol-javoblar, munozaralar o‘tkazdilar.

  Parpiyeva Umida Xasanovnaning ta’kidlashicha, bunday noan’anaviy darslar talabalarning ingliz tiliga bo‘lgan qiziqishini oshiradi, ularning o‘zlashtirish darajasini yaxshilaydi va kelajakda malakali mutaxassis bo‘lib yetishishlariga xizmat qiladi.

  Mazkur tashrif "Ingliz tili" kafedrasi tomonidan o‘tkaziladigan ma’naviy-ma’rifiy tadbirlarning bir qismi bo‘lib, talabalarning har tomonlama rivojlanishi va kamol topishiga qaratilgan.

"Ingliz tili" kafedrasi axboroti

Universitet matbuot xizmati