Birinchi aprel Xalqaro qushlar kuni
02.04.2025
"Yashil Yurak" jamiyati navbatdagi uchrashuvi: tabiatni asrash yo‘lida muhim qadamlar
"Yashil Yurak" jamiyati tomonidan navbatdagi uchrashuv bo‘lib o‘tdi. Unda bir qator muhim ekologik masalalar muhokama qilindi. Xususan, har yili 1-aprel sanasida nishonlanadigan Xalqaro qushlar kuni haqida so‘z yuritildi. Ushbu sana qushlarning xilma-xilligini saqlash va ularni muhofaza qilishga qaratilgan bo‘lib, birinchi marta 1894-yilda AQShda nishonlangan va keyinchalik dunyo bo‘ylab ommalashgan. 1906-yil 1-aprelda esa qushlarni muhofaza qilish bo‘yicha xalqaro konvensiya imzolangan, bu esa tabiat himoyasi yo‘nalishidagi dastlabki muhim hujjatlardan biri hisoblanadi.
Shuningdek, uchrashuv davomida Uchinchi xalqaro landshaft festivali ham muhokama qilindi. Bu festival tabiatni asrash, landshaft dizayni va ekologik barqarorlik masalalariga bag‘ishlangan yirik tadbirlardan biri bo‘lib, unda ishtirok etish imkoniyatlari muhokama qilindi.
Aprel oyida jamoamiz tomonidan amalga oshirilishi rejalashtirilgan boshqa ekologik tadbirlar haqida ham fikr almashildi. Kelgusi tashabbuslarimiz haqida qo‘shimcha ma’lumot berish va jamiyatimiz faoliyatiga qo‘shilish uchun biz bilan bog‘laning!
📅 Tafsilotlar va yangiliklar uchun:
🌍 t.me/yashil_yurak_jamiyati_UZ
📧 Bog‘lanish: @ZulfiyaKannazarova
"Qishloq xo‘jaligi texnika va texnologiyalari" kafedrasi assistenti Zulfiya Kannazarova
