Talabalik oltin davrim
29.03.2025
2025-yil 28-mart kuni “TIQXMMI” MTU “Ekologiya va huquq” fakultetiga qarashli 8-talabalar turar joyida istiqomat qilayotgan talaba qizlar bilan davra suhbati tashkil etildi. Tadbirda Xotin qizlar masalalari bo‘yicha rektor maslahatchisi Z. Ismailova, bir qator Xotin qizlar Kengashi a’zolari, psixologlar, tibbiyot hamshirasi ishtirok etdilar, avvalo talaba qizlarning talabalik hayoti bilan tanishildi. So‘ng ular bilan samimiy suhbat olib borildi. Z. Ismailova talaba qizlar qiziqtirgan savollarga keng tushunchalar berib o‘tdi va ularning takliflariga alohida e’tibor qaratildi. Davra suhbati davomida talaba qizlarga ular uchun yaratilayotgan imkoniyatlardan keng va unumli foydalanish, bo‘sh vaqtlarini mazmunli o‘tkazish lozimligi kabi masalalar uqtirib o‘tildi. Gigiyenik talablar va umumiy foydalanish xonalarining tozaligi bo‘yicha nazorat ishlari tashkil etildi. Nazorat davomida tozalikka amal qilmayotgan talabalar bilan alohida tushuntirish ishlari olib borildi. Shu bilan birga talabalarni qiynayotgan muammolar va ularni qiziqtirgan masalalar xususida ham so‘z bordi.
“Ekologiya va huquq” fakulteti dekan maslahatchisi B.Mamadaminova axboroti
Universitet matbuot xizmati
