Samimiy tabrik: Qadrulabad qadriyat (Prezident tabrigini tinglab)
03.03.2025
Samimiy tabrik: Qadrulabad qadriyat (Prezident tabrigini tinglab)
Dil izhorini, qalb istagini tinglash yoki o‘qish ayricha zavq-u shavq baxsh etadi kishiga. Har yili O‘zbekiston xalqiga Ramazon oyi munosabati bilan samimiy tabrik yo‘llaydigan Prezident Shavkat Mirziyoyev bu yil ham yurtdoshlarimizni qutlab, diniy qadriyatlarimiz, mehr-oqibat va xalqimiz o‘rtasidagi hamjihatlikning muhimligini ta’kidladi. Ramazon oyi – barcha musulmonlar uchun nafaqat ibodat, balki ezgulik va mehr-muruvvat oyi hamdir.
Davlat rahbarining tabrigida tinchlik va taraqqiyot, insonparvarlik va bag‘rikenglik tamoyillari muhokama qilindi. Prezident Ramazon oyining yuksak ma’naviy ahamiyatini ta’kidlab, uning bag‘rikenglik, saxovat va yordam ruhini mustahkamlashda tutgan o‘rnini qayd eta turib, mamlakatimizdagi barqarorlik va osuda hayot uchun shukronalik qilish muhimligini e’tirof etdi. ta’kidlandi. Shuningdek, islom dinining ezgu g‘oyalari jamiyatda mehr-oqibat, hamjihatlik va insoniylikni mustahkamlashga xizmat qilishiga ishonch bildirildi.
Prezident Ramazon oyi munosabati bilan yurtimizda amalga oshirilayotgan ijtimoiy islohotlar va xalq farovonligini oshirishga qaratilgan chora-tadbirlar haqida ham to‘xtalib o‘tdi.
Ehtiyojmand insonlarga saxovat va xayriya ishlari Ramazon oyining ajralmas qismi ekanini ta’kidlab, muhtojlarga yordam berish muhimligiga urg‘u berildi. Prezidentimiz yurtdoshlarimizni Ramazon oyini ma’naviy poklanish, ahillik va ezgulik muhitida o‘tkazishga chorlab, O‘zbekiston xalqining tinchligi, farovonligi va taraqqiyoti uchun duo qildi.
Xulosa o‘rnida shuni aytish kerakki, Prezidentimizning bu yilgi Ramazon tabrigi xalqimiz uchun ruhiy quvvat va g‘oyat muhim ezgu tamoyillarning yorqin ifodasi bo‘ldi. Ushbu muborak oy barcha yurtdoshlarimiz uchun tinchlik, baraka va fayz-u-baraka orzusi bilan o‘tishiga ishonch bildirildi.
Ushbu tabrik inson qadri va unga bo‘lgan mehr-u muruvvatning ko‘zgusi sifatida barchamizning qalbimizdan joy oldi desak, mubolag‘a bo‘lmaydi.
Rahimboy Jumaniyozov Professor, Universitet matbuot kotibi