«TIQXMMI» Milliy tadqiqot universitetiga Fransiyaning SUEZ - suv va boshqaruv sohalarida faoliyat yurituvchi fransuz kommunal kompaniyasi Markaziy Osiyo va Kavkaz bo‘yicha direktori Silver Delone boshchiligidagi delegatsiya tashrif buyurdi
28.01.2025
«TIQXMMI» Milliy tadqiqot universitetiga Fransiyaning SUEZ - suv va boshqaruv sohalarida faoliyat yurituvchi fransuz kommunal kompaniyasi Markaziy Osiyo va Kavkaz bo‘yicha direktori Silver Delone boshchiligidagi delegatsiya tashrif buyurdi
Tashrif davomida universitet rahbariyati va delegatsiya a’zolari o‘rtasida uchrashuv tashkil etildi. Muzokaralar chog‘ida suv resurslarini boshqarish, suv ta’minoti, ekologik barqarorlik masalalari hamda universitet bilan SUEZ kompaniyasi o‘rtasida hamkorlik yo‘nalishlarini rivojlantirish bo‘yicha fikr almashildi.
Shuningdek, Fransuz ta’lim standartlarini o‘rganish va Fransiyalik professor-o‘qituvchilarni jalb qilish bo‘yicha kelishuvga erishildi. Qolaversa, Fransiyaning ilg‘or ta’lim muassasalaridan AgroParisTech University bilan hamkorlik qilish bo‘yicha takliflar berildi. Bu esa Prezidentimizning Fransiyaga tashrifi davomida boshlangan aloqalarni yanada mustahkamlashga xizmat qiladi va ikki mamlakat o‘rtasidagi ilmiy, texnologik hamkorlikni yangi bosqichga olib chiqish uchun muhim asos yaratadi.
