“TIQXMMI” Milliy tadqiqot universiteti rektori boshchiligidagi rahbariyat jamoasi sirtqi ta’limga qabul qilingan 1 bosqich talabalari bilan uchrashuv o‘tkazdi...
15.01.2025
Unda universitet rektori Baxadir Mirzayev talabalarga universitet tarixi, so‘ngi yillarda oliy ta’lim sohasida amalga oshirilgan ishlar, universitetning milliy va xalqaro reytinglardagi mavqei, talabalar uchun yaratilgan shart-sharoitlar va o‘qituvchi professorlarning ilmiy tadqiqot ishlari bilan tanishtirib o‘tdilar.
Shuningdek, rektor ularni Talabalik – bu o‘sish va shakllanish davri, bilim va tajriba orttirish bilan birga, yangi do‘stlar, muhim hayotiy qarorlar va shaxsiy rivojlanish davriga o‘tganliklari bilan tabriklab, “Bugun judayam katta hayotiy tajribaga ega bo‘lgan, ilm fan ravnaqi yo‘lida ko‘plab yutuqlarga erishgan ustozlar qo‘lida ta’lim olish baxtiga ega bo‘ldingizlar va buni o‘zi sizlarni hayotdagi eng katta omadlaringiz desam ham mubolag‘a bo‘lmaydi!” – deb muborakbod etdi
