Energetika sohasida kadrlar tayyorlaydigan oliy ta’lim muassasalarida o‘quv jarayonida dual ta’lim shaklida tashkil etishga
06.09.2024
Joriy yilning 27 avgust kuni yurtboshimiz muhtaram prezidentimiz Shavkat Mirziyoev boshchiliklarida energiya tejamkorligini ta’minlash, muqobil quvvatlardan foydalanishni kengaytirish masalalari muhokamasi bo‘yicha yig‘ilish o‘tkazildi. joriy yil boshida hududlarda elektr energiyasi va tabiiy gazni tejash bo‘yicha maqsadli ko‘rsatkichlar belgilangan edi. Xususan elektr tarmoqlari samaradorligini baholash (elektr isroflarni hisoblash)da Farg‘ona politexnika instituti professor-o‘qituvchilari va hududiy elektr tarmoqlari mutasaddi xodimlari bilan o‘zaro hamkorlikda Farg‘ona tumanidagi 35/10 kVli “Log‘on” podstansiyaga ulangan elektr tarmoqlardagi isroflarni kamaytirish yo‘llari yuzasidan olib borilgan ishlarni namunaviy tarzda keltirish mumkinligi bayon etildi. Ya’ni ilim ahli va ishlab chiqarish korxonalari vakillarining o‘zaro hamkorlikda fikr almashgan holda sinxron tarzda ishlashi albatta samarali natijalarga olib kelishi qayd etildi.
Shu munosabat bilan,
joriy yilning 4-5-sentyabr kunlari Farg‘ona politexnika institutida energetika
sohasida kadrlar tayyorlaydigan oliy ta’lim muassasalarida o‘quv jarayonini
dual ta’lim shaklida tashkil etishga qaratilgan (offlayn) malaka oshirish kursi
bo‘lib o‘tdi. Ushu tadbirda universitetimiz “Elektr ta’minoti va qayta tiklanuvchan
energiya manbalari” kafedrasi professor-o‘qituvchilari J.O.Izzatillayev va A.U.Vohidovlar
ishirok etdilar.
Kurs davomida
energetika sohasida kadrlar tayyorlaydigan oliy ta’lim muassasalari kafedra
mudirlari va professor-o‘qituvchilarining elektr tarmoqlarida energiya
samaradorligini ilmiy-texnikaviy tahlil qilish (Farg‘ona tumani misolida),
qayta tiklanuvchi va ikkilamchi energiya resurslaridan foydalanish borasidagi
malakalari oshirildi.
Malaka
oshirishning ikkinchi kuni dastlab Farg‘ona hududiy elektr tarmoqlari korxonasi
tomonidan so‘nggi yillarda erishilgan yutuqlar bilan tanish maqsadadi “Temir beton”
tayanch va travers ishlab chiqarish sexi, Trasnformatorlarni markaziy ta’mirlash
sexi va yana bir qator sexlarga ekskursiya tashkil etildi. So‘ngra energiya
iste’molini o‘rganishda amalga oshirilgan ishlar bilan tanishish maqsadida dastlab
Farg‘ona tumanidagi 35/10 kVli “Log‘on” podstansiyasiga tashrif buyurildi.
Kunning ikkinchi
qismida joriy mavsumda kuz-qish mavsumini betalofat o‘tkazish maqsadida olib borilgan
tayyorgarliklar bilan yaqindan tanishish maqsadida Farg‘ona tumani hokimiyatida
tashkil etil ko‘chma yarmarkaga tur tashkil etildi.
Unda soha
vakillari ish jarayonida ko’p uchrayotgan muammolarni hal etish yuzasidan
energetika sohasi vakillari bilan o’zaro fikr almashdilar hamda energetika sohasidagi
professor ustozlar bunday muammolarni bartaraf etish yo‘llari va bunda rivojlanmangan
mamlakatlar tajribasini qo‘llagan holda kuz-qish mavsumini betalofat o‘tkazish mumkinligi
to‘g‘risida o‘z tavsiyalarini berdilar.
“Elektr ta’minoti va qayta tiklanuvchan energiya manbalari” kafedrasi assistenti R.Qobilov axboroti
Universitet matbuot xizmati