Texnik topshiriq
29.09.2025
1. Xizmatlarga qo‘yiladigan umumiy talablar
- - Konferensiya davomida (3 kun) barcha sessiyalar, panel muhokamalari, ma’ruzalar, rasmiy ochilish va yopilish marosimlari, shuningdek, norasmiy uchrashuvlar foto va video tasvirga olinishi shart.
- - Tasvirga olish jarayoni professional uskunalarda amalga oshirilishi, yuqori sifat (Full HD yoki 4K formatda) ta’minlanishi kerak.
- - Olingan barcha materiallar konferensiya yakunida buyurtmachiga elektron va tashqi xotira (hard disk yoki flash) ko‘rinishida topshirilishi lozim.
2. Xizmatlarga qo‘yiladigan xususiy talablar
Asosiy talablar:
Davomiylik: 3 kun
Ishtirokchilar soni: 150 nafardan ortiq
Joylashuv: Konferensiya o‘tkaziladigan manzilda va unga yaqin hududlarda
Xizmat turlari:
Foto xizmatlar
- Har kuni barcha sessiyalarni professional suratga olish
- Guruhiy rasm va individual ishtirokchilar uchun portret fotosuratlar
- Olingan rasmlarni dastlabki qayta ishlash (rang, yorug‘lik)
- Har kuni asosiy suratlarning qisqa tanlovi (10–15 ta) tezkor ravishda buyurtmachiga yetkazish
Video xizmatlar
- Sessiya va marosimlarni uzluksiz video tasvirga olish
- Asosiy nutqlar va panel muhokamalarini alohida yozib olish
- 3 kun yakunida qisqa videorolik (3–5 daqiqa) montaj qilib tayyorlash
- To‘liq materiallarni xom va montaj qilingan ko‘rinishda topshirish
Texnik talablar:
- Foto va video kamera professional darajada (Full HD/4K)
- Sifatli ovoz yozish uskunalari mavjud bo‘lishi
- Fotoxizmatlar uchun yorug‘lik uskunalari kerak bo‘lganda ishlatilishi
3. Umumiy shartlar
- Xizmatlar sifati professional talablarga mos bo‘lishi kerak.
- Olingan barcha materiallar buyurtmachining mulki hisoblanadi.
- Buyurtmachi bilan jadval oldindan kelishiladi.
- Takliflar 2025-yil 29-sentyabrdan 5-oktyabrgacha qabul qilinadi.